549.25
6.64
475.91
+8
Եղանակը Երևանում
Հայ

Հարկադիր կատարողները դրդել են քաղաքացիներին սնանկ ճանաչվել ու կաշառք են պահանջել.ՄԱՆՐԱՄԱՍՆԵՐ

15:55
26 Հոկտեմբերի 2021

ԵՐԵՎԱՆ, 26 հոկտեմբերի./Նովոստի–Արմենիա/. ՀՀ ազգային անվտանգության ծառայության քննչական դեպարտամենտում հարուցված քրեական գործի նախաքննությամբ ձեռք բերված փաստական տվյալներով հաստատվել է, որ ՀՀ արդարադատության նախարարության հարկադիր կատարումն ապահովող ծառայության Լոռու մարզային բաժնի հարկադիր կատարողներն իրենց մոտ գտնվող կատարողական վարույթների շրջանակներում մի շարք քաղաքացիների բանկային հաշիվների վրա դրված արգելանքները վերացնելու, կատարողական վարույթների շրջանակներում հաշվարկվող կատարողական ծախսերը չգանձելու կամ դրանց չափը նվազեցնելու և այդ կերպ իրենց լիազորությունների շրջանակներում նրանց օգտին գործողություններ կատարելու համար 2020-2021 թվականների ընթացքում մեկ տասնյակից ավելի պարտապաններից պահանջել և որպես կաշառք ստացել են տարբեր չափերի գումարներ, հաղորդում է ՀՀ ԱԱԾ–ն: 

Վերոգրյալից բացի, քրեական գործի նախաքննությամբ ձեռք բերված ապացույցների բավարար համակցությամբ պարզվել է նաև, որ հարկադիր կատարողներից մեկը, տեղյակ լինելով երկու քաղաքացիների կողմից մի շարք բանկերում և վարկային կազմակերպություններում ունեցած 6.000.000 ՀՀ դրամ և 3.900.000 ՀՀ դրամ վարկային պարտավորությունների մասին, հիշյալ քաղաքացիներին համոզելու եղանակով դրդել է կեղծ սնանկության, մասնավորապես՝ նրանց կողմից սնանկության հատկանիշների բացակայության պայմաններում՝ պարտատերերին մոլորեցնելու և կուտակված պարտքերը չվճարելու նպատակով վերջիններին հորդորել է սեփական սնանկության ճանաչման մասին հայցադիմում ներկայացնել դատարան, ինչպես նաև  սեփական սնանկությունը ճանաչելու պահանջը բավարարելու նպատակով կազմել և քաղաքացիական գործով դատարան ներկայացնել բովանդակությամբ ակնհայտ կեղծ տեղեկություններ պարունակող ապացույցներ՝ փաստաթղթեր, որոնց օգտագործմամբ հնարավոր է եղել արհեստականորեն ավելացնել պարտատերերի քանակը, պայմանագրային պարտավորությունների չափերը, կեղծ հիմքեր ստեղծել նրանց մոտ անվճարունակության հատկանիշների առկայության և օրենքով սահմանված կարգով սնանկ ճանաչելու համար: 

«Ընդ որում, հարկադիր կատարողը վերը հիշատակված ակնհայտ ապօրինի գործողությունների, ինչպես նաև ծառայության գծով հովանավորչության համար քաղաքացիներից մեկից 2021 թվականի մարտ և ապրիլ ամիսներին պահանջել և առձեռն ստացել է ընդհանուր խոշոր չափերի՝ 500.000 ՀՀ դրամ գումար կաշառք, իսկ մյուսից՝ 350.000 ՀՀ դրամ գումար կաշառք», – նշվում է գերատեսչության հաղորդագրության մեջ: 

Վերոգրյալ գործողությունների արդյունքում քաղաքացիական գործով մասնակից անձի կողմից դատարան է ներկայացվել բովանդակությամբ ակնհայտ կեղծ տեղեկություններ պարունակող ապացույցներ, բավարարվել է քաղաքացու՝ սեփական սնանկությունը ճանաչելու պահանջը, իսկ  պարտատերերին պատճառվել է  խոշոր չափերի՝ նվազագույն աշխատավարձի հազարապատիկը գերազանցող գումարի չափով վնաս:

Քրեական գործի քննության ընթացքում, ի թիվս ձեռնարկված մեծածավալ քննչական գործողությունների, կատարվել են մեկ տասնյակից ավելի խուզարկություններ,  առգրավվել են խնդրո առարկա կատարողական վարույթները, որոնց արդյունքում ձեռք են բերվել մեղսագրվող արարքներում հարկադիր կատարողների ներգրավվածությունը վկայող ակնհայտ տվյալներ: 

Գործով ձեռք բերված ապացույցների բավարար համակցության պայմաններում մեղադրանք է առաջադրվել ընդհանուր 10 անձի, հարկադիր կատարողներից երեքի նկատմամբ կալանավորումը որպես խափանման միջոց ընտրելու միջնորդություններ են  հարուցվել դատարան, որոնք բավարարվել են: 

Քննության ներկա փուլի համատեքստում ազգային անվտանգության մարմինները շարունակում են ձեռնարկել ակտիվ քրեադատավարական և օպերատիվ-հետախուզական միջոցառումներ կոռուպցիոն հանցապատկերի բոլոր հնարավոր դրվագները հայտնաբերելու, դրանցում ներգրավված անձանց ամբողջական շրջանակը պարզելու, ինչպես նաև հարկադիր կատարողների կողմից համակարգային կոռուպցիոն չարաշահումների կատարման հնարավոր դրսևորումները կանխելու ու խափանելու ուղղությամբ:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով:–0–

Partners News
Partners News
ԱՌԿԱ գործակալություն
Բաժնի այլ նյութեր
12:15
06 Նոյեմբերի 2021
ՀՀ վարչապետի նախկին թեկնածու Տիգրան Արզաքանցյանը մեղադրվում է ուսումնառության մասին կեղծ տեղեկանք տրամադրելու մեջ
ՀՀ վարչապետի նախկին թեկնածու Տիգրան Արզաքանցյանին մեղադրանք է առաջադրվել
10:15
06 Նոյեմբերի 2021
«Էդ որոշումը մեր սովորույթներին ա հակասում». քաղաքացիները՝ ամանորյա հանգստյան օրերի մասին (ՎԻԴԵՈ)
Ամանորի ոչ աշխատանքային օրերը կրճատելու նախագիծն օրեր առաջ ԱԺ–ի օրակարգում էր, ի՞նչ են մտածում այդյ մասին մեր քաղաքացիները.ՎԻԴԵՈ
00:19
06 Նոյեմբերի 2021
«Տաշիր Պիցցա» մասնաճյուղերը ժամանակավորապես փակ կլինեն. նախօրեին այնտեղ թունավորվել է 57 մարդ
«Տաշիր Պիցցա» պիցցերիաների ցանցը հայտարարություն է տարածել
00:12
06 Նոյեմբերի 2021
«Տաշիր պիցցա» պիցցերիաների կետերում թունավորված քաղաքացիների թիվը հասել է 57–ի, նախարարն այցելել է նրանց (ՖՈՏՈ)
«Տաշիր պիցցա» պիցցերիաների կետերում թունավորված քաղաքացիների թիվը հասել է 57–ի, նախարարն այցելել է նրանց.ՖՈՏՈ
18:55
05 Նոյեմբերի 2021
ԿԳՄՍ փոխնախարարը հայտնել է, թե երբ է սկսվում ուսումնական գործընթացը
Անդրեասյանը հայտնել է, թե երբ է սկսվում ուսումնական գործընթացն ու անդրադարձել է դպրոցներում համապատասխան ջերմային ռեժիմի պահպանման հարցերին
14:10
05 Նոյեմբերի 2021
ARARAT Craft&Twist. կոկտեյլային «հրավառություն» Երևանում (ՖՈՏՈ, ՎԻԴԵՈ)
Phoenix բարը նախօրեին հյուրընկալեց ARARAT Craft & Twist թիմի բարմեններին, ովքեր բացահայտեցին լեգենդար հայկական կոնյակի նոր եզրերը, այցելուներին ներկայացնելով նոր՝ հեղինակային կոկտեյլներ.ՖՈՏՈ, ՎԻԴԵՈ
13:43
05 Նոյեմբերի 2021
Որպես անհետ կորած որոնվող Արթուր Միլիտոնյանը ներկայացել է ոստիկանություն
Որպես անհետ կորած որոնվող Արթուր Միլիտոնյանը ներկայացել է ոստիկանություն
12:35
05 Նոյեմբերի 2021
Երթևեկի փոփոխություն է նախատեսված Երևանի խաչմերուկներից մեկում
Կարևոր` վարորդների համար. երթևեկի փոփոխություն է նախատեսված Երևանի խաչմերուկներից մեկում
11:04
05 Նոյեմբերի 2021
Կորոնավիրուսը Հայաստանում.գրանցվել է 1835 նոր դեպք, առողջացել է 1984 մարդ, մահացել է 50 մարդ
Կորոնավիրուսը Հայաստանում.գրանցվել է 1835 նոր դեպք, առողջացել է 1984 մարդ, մահացել է 50 մարդ
16:11
04 Նոյեմբերի 2021
Շիրակի մարզպետն ազատվել է պաշտոնից
Շիրակի մարզպետն ազատվել է պաշտոնից
15:44
04 Նոյեմբերի 2021
ՄԻԵԴ-ը պարտավորեցրել է Ադրբեջանին յուրաքանչյուր գործով վճարել 40 հազար եվրո. Ադրբեջանը խախտել է հայ գերիների կյանքի իրավունքը
ՄԻԵԴ-ը պարտավորեցրել է Ադրբեջանին յուրաքանչյուր գործով վճարել 40 հազար եվրո. Ադրբեջանը խախտել է հայ գերիների կյանքի իրավունքը