ՀՀ-ում կանխվել է Արցախից բերված «Կալաշնիկով» ինքնաձիգի ապօրինի ներկրման փորձ (ՎԻԴԵՈ)
19:16
02 Նոյեմբերի 2020
ԵՐԵՎԱՆ, 2 նոյեմբերի./Նովոստի-Արմենիա/. Նոյեմբերի 1-ին ոստիկանության Վարդենիսի բաժնի ծառայողները, իրացնելով օպերատիվ տվյալները, Սոթք գյուղում կանգնեցրել են «Միցուբիշի» մակնիշի մի ավտոմեքենա, հաղորդում է ՀՀ ոստիկանության մամուլի ծառայությունը:
Նշվում է, որ բեռնախցիկում հայտնաբերվել է Արցախից Հայաստան բերված գործարանային համարով «Կալաշնիկովի» ինքնաձիգ ու չորս պահունակ՝ լիցքավորված 7,62 մմ տրամաչափի՝ ընդհանուր 120 փամփուշտով։ Զենք-զինամթերքը վերցվել է»,- նշվում է հաղորդագրության մեջ:
«Հարգելի՛ քաղաքացիներ, կրկին հիշեցնենք, որ այս դժվարին օրերին զենք-զինամթերքն անհրաժեշտ է բացառապես ռազմի դաշտում։ Արցախից Հայասատան ապօրինի կերպով զենք-զինամթերք տեղափոխելու դեպքերը բացառելու ուղղությամբ ոստիկանությունը շարունակում է շուրջօրյա միջոցառումները»,- նշվում է հաղորդագրության մեջ:-0-
