ԵՐԵՎԱՆ, 19 հոկտեմբերի./Նովոստի–Արմենիա/. Ռուսական կողմի աջակցությամբ Ադրբեջանից Հայաստան է վերադարձել 5 հայ ռազմագերի։
Նրանք անմիջապես օդանավակայանից տեղափոխվել են «Մուրացան» զինվորական հոսպիտալ` բուժզննման համար։ Այնտեղ են մեկնել նաև ռազմագերիների ծնողներն ու հարազատները, ովքեր օդանավակայանում սպասում էին օդանավի վայրէջքին։
«ՀՀ–ում ՌԴ դեսպան Ս.Պ. Կոպիրկինը «Էրեբունի» օդանավակայանում դիմավորել է ՌԴ ռազմաօդային ուժերի օդանավը, որով ռուսական կողմի աջակցությամբ Ադրբեջանից վերադարձել է Հայաստանի 5 քաղաքացի», – նշվում է ՌԴ դեսպանատան Facebook-յան էջում։–0–
