ՀՀ ԱՆ-ն հաստատել է ռուսական «Սպուտնիկ V» պատվաստանյութի օգտագործումը
01.02.2021,
21:34
ՀՀ ԱՆ-ն հաստատել է ռուսական «Սպուտնիկ V» պատվաստանյութի օգտագործումը
ԵՐԵՎԱՆ, 1 փետրվարի./Նովոստի–Արմենիա/. Հայաստանի առողջապահության նախարարությունը հաստատել է կորոնավիրուսի դեմ ռուսական «Սպուտնիկ V» պատվաստանյութի օգտագործումը:
Загружается новость ... "Лево"
«Արմենպրես»-ի հաղորդմամբ, այս մասին տեղեկությունը հաստատել են Առողջապահության նախարարության լրատվական ծառայությունից:
2020 թվականի նոյեմբերի 21-ին Երևանում Հիվանդությունների վերահսկման և կանխարգելման ազգային կենտրոն էին այցելել Ռուսաստանի առողջապահության նախարար Միխայիլ Մուրաշկոն և Ռոսպոտրեբնադզորի ղեկավար Աննա Պոպովան՝ մասնակցելու շարժական լաբորատորիայի բացման արարողությանը: Նրանք իրենց հետ բերել էին նաև COVID-19-ի «Սպուտնիկ V» պավաստանյութի օրինակներ: Ռուսական պատվաստանյութով փորձնական պատվաստվել էր 15 հոգի: Հունվարի սկզբին հրավիրված ասուլիսում Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը, ով նույնպես պատվաստվողների թվում է եղել, տեղեկացրել էր, որ Հայաստանում ռուսական արտադրության «Սպուտնիկ V» պատվաստանյութով պատվաստվածների մոտ որև է բարդություն չի գրանցվել:–0–
Պատճենել հղումը
