583.39
6.77
492.85
+21
Եղանակը Երևանում
Հայ

Երեքշաբթի` սեպտեմբերի 3–ի կարևոր նորությունների հնգյակը

08:00
04 Սեպտեմբերի 2019

ԵՐԵՎԱՆ, 4 սեպտեմբերի./Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` սեպտեմբերի 3–ի կարևոր նորությունների հնգյակը։

  • Այսօր Հայաստանի առողջապահության նախարար Արսեն Թորոսյանն ասուլիս էր հրավիրել Արյունաբանական կենտրոնում, որի ընթացքում ներկայացրել է նախարարության առաջիկա անելիքները։ Հետագա գործունեությունը ներկայացնելուց հետո Թորոսյանը հայտնեց, որ անցնում է հարց ու պատասխանի և պատրաստ է լսել լրագրողներին։ Այդ պահին մանկական ուռուցքաբան, Արյունաբանական կենտրոնի Մանկական քաղցկեղի և արյան հիվանդությունների կենտրոնի ղեկավար և նախարարի նախկին խորհրդական Գևորգ Թամամյանը խնդրել է լրագրողներին հնարավորություն տալ իրեն մի քանի հարց ուղղել նախարարին։ Նախարարը նշել է, որ Թամամյանն ինքը կարող է ասուլիս հրավիրել և խոսել լրագրողների հետ, ինչից հետո ուռուցքաբանն ասել է, որ նախարարը պարտավոր է պատասխանել իր հարցերին։ Թորոսյանն այդ պահին շարժվել է դեպի դուռը։ Սենյակի մուտքի մոտ լրագրողները խնդրել են նախարարին պատասխանել մի քանի հարցի, և մամուլի ասուլիսը փաստորեն շարունակվել է «կանգնած» ռեժիմով։ Մուտքի մոտ Թորոսյանը պատասխանել է լրագրողների որոշ հարցերի, ինչից հետո լքել է դահլիճը։Դրանից հետո Թամամյանը շարունակել է ասուլիսը։ Նա նշել է լրագրողներին, որ նախարարին ուղղված բազմաթիվ հարցեր ունի և ներկայացրել է դրանցից մի քանիսը։ Թամամյանը, մասնավորապես, անդրադարձել է քաղցկեղով հիվանդ մարդկանց հերթագրելու նախարարի կոչին։ Նա նաև մեկնաբանել է Ուռուցքաբանության ազգային կենտրոնի տնօրեն Արմեն Տանանյանին աշխատանքից հեռացնելու` նախարարի որոշումը։ Թամամյանի խոսքով, կենտրոնում կատարված ստուգումները ցույց են տվել, որ Տանանյանի կողմից չարաշահումներ չեն եղել։ Թամամյանը մեղադրել է Թորոսյանին, որ վերջինս ճառագայթային բժշկության ոլորտը, որը ռազմավարական նշանակություն ունի, ամբողջությամբ փոխանցել է օտարերկրյա ներդրողի։ Գևորգ Թամամյանն անդրադարձել է նաև պետպատվերով միջոցների բաշխման հարցին։ «Ի՞նչ չափորոշիչներով եք ղեկավարվում։ Էդ ինչպե՞ս է ստացվել, որ ձեր կնոջ կողմից ղեկավարվող բժշկական կենտրոնի պետպատվերը կրկնապատկվել է, երբ այն բացառապես տրամադրում է ՄՌՏ և ԿՏ ծառայություններ։ Ինչու՞ է մասնավոր հատվածի համար 1 մլրդ դրամով ավելացել պետպատվերը` հասնելով մոտ 2,7 մլրդ դրամի, այն դեպքում, երբ ուռուցքաբանության պետպատվերը չի հասնում անգամ 1 միլիարդի», – հարցադրում է արել Թամամյանը։ Նրա պնդմամբ, նա բազմաթիվ անգամ բարձրացրել է այս հարցերը նախարարության առաջ, սակայն որևէ խելամիտ պատասխան չի ստացել։

  • Սեպտեմբերի 2-ին ոստիկանությունում տեղեկություն ստացվեց, որ Երևանի Բրյուսովի փողոցի 23-րդ շենքի բնակարաններից մեկում կնոջ դի կա՝ բռնության հետքերով ու վնասվածքներով։ Ինչպես հաղորդում է ՀՀ ոստիկանության մամուլի ծառայությունը, դեպքի վայր մեկնեցին ոստիկանության մի շարք ստորաբաժանումների, ինչպես և իրավապահ այլ մարմինների ծառայողներ։ Դիակի զննությամբ պարանոցին ու մարմնի տարբեր մասերին բռնության հետքեր հայտնաբերվեցին։ Պարզվեց, որ սպանվածը  28 տարեկան էր և այդ բնակարանում վարձով էր ապրում։ Դեպքի առթիվ քրեական գործ հարուցվեց, նշանակվեցին փորձաքննություններ։ Ոստիկանության և Ազգային անվտանգության ծառայության աշխատակիցների օպերատիվ-հետախուզական համատեղ միջոցառումների արդյունքում կարճ ժամանակում պարզվեցին կատարվածի մի շարք հանգամանքներ, այդ թվում՝ առանձնապես ծանր հանցագործությունը կատարելու մեջ կասկածվողի ինքնությունը։ «Սեպտեմբերի լույս 3-ի գիշերը՝ ժամը 2-ն անց 50-ի սահմաններում, վանաձորի հյուրանոցներից մեկում 35-ամյա տղամարդը հայտնաբերվեց ու կասկածանքով բերման ենթարկվեց ոստիկանության Կենտրոնական բաժին։ Նա ներկայացվեց դեպքի նախաքննությունը վարող մարմնին ու տվեց խոստովանական ցուցմունք։ Տղամարդը ձերբակալվել է։ Օպերատիվ-հետախուզական միջոցառումններն ու քննչական գործողությունները շարունակվում են», – նշվում է գերատեսչության հաղորդագրության մեջ։

  • Իրանի նախագահ Հասան Ռոհանին առաջիկայում կայցելի Հայաստան վարչապետ Նիկոլ Փաշինյանի հրավերով, ասել է Հայաստանում Իրանի դեսպան Կազեմ Սադաջին, գրում է Mеhr գործակալությունը։ Փաշինյանը հրավիրել է Ռոհանիին Բարձրագույն Եվրասիական տնտեսական խորհրդի նիստին մասնակցելու նպատակով, որը կանցկացվի հոկտեմբերի 1–ին Երևանում։ «Հայաստանի վարչապետը հրավիրել է նախագահ Ռոհանին այցելել Հայաստան, և, համապատասխանաբար, Իրանի նախագահը կայցելի երկիր առաջիկա երկու շաբաթվա ընթացքում»,– ասել է Սադաջին։

  • Հայաստանի առողջապահության նախարար Արսեն Թորոսյանը երեքշաբթի ասուլիսում մեկնաբանեց«Մարգարյան» ծննդատանը 24–ամյա ծննդկանի մահվան դեպքը։ «Մենք աշխատում ենք այս փաստով փորձագիտական եզրակացության ներկայացման շուրջ, մեր մասնագետները տեղում հետազոտություն են անցկացնում։ Մենք փորձել ենք միավորվել, որ մյուս բժշկական կենտրոնների մասնագետներն այնտեղ ժամանեն` բուժօգնություն ցուցաբերելու համար։ Ցավոք, նրա կյանքը փրկել չհաջողվեց։ Այս պահին մահվան պատճառների մասին տեղեկություն չկա»,– ասաց նախարարը։ Նա նշեց, որ ծսննդկանների մահվան բոլոր դեպքերը նախարարության ուշադրության կենտրոնում են և վերլուծվում են, որ հետագայում հնարավոր լինի դրանցից խուսափել։ Թորոսյանը նաև հայտնեց, որ կստեղծվի Ծննդատների մեթոդաբանական օգնության կենտրոն` նմանատիպ ծանր դեպքերում աջակցություն ցուցաբերելու համար։

  • ՀՀ ԱԳՆ մամուլի խոսնակ Աննա Նաղդալյանը մեկնաբանել է մամուլում շրջանառվող տեղեկությունը, ըստ որի՝ ԱՄՆ կառավարությունը ՀՀ իշխանությունների առջև պահանջ է դրել՝ հանել զորախումբը Սիրիայից։ «Մենք արդեն բազմիցս հերքել ենք այդ տեղեկատվությունը: Ներկայումս փորձ է արվում պետական կառույցի կողմից արդեն իսկ հերքված տեղեկատվությունը վերստին շրջանառել նոր մտացածին մանրամասներով, որոնք նույնպես չեն համապատասխանում իրականությանը՝ այդպիսով ձևավորելով մի քանի շերտից բաղկացած կեղծ լուր: Սիրիայի հայ համայնքի անվտանգությանը և վերջինիս տրամադրվող աջակցությանն առնչվող հարցերի անհիմն շահարկումը նեղ անձնական շահերից ելնելով համարում ենք անընդունելի», – նշել է Աննա Նաղդալյանը։–0–
Partners News
Partners News
Ամենակարդացվող
ԱՌԿԱ գործակալություն
Բաժնի այլ նյութեր
16:04
11 Սեպտեմբերի 2021
Ինչու՞ պետք է պատվաստվել, եթե պատվաստումները 100% չեն երաշխավորում, որ չենք վարակվի․ պարզաբանում է նախարարը
Ավանեսյանը պարզաբանում է, թե ինչու պետք է պատվաստվել, եթե պատվաստումները 100% չեն երաշխավորում, որ չենք վարակվի
09:00
11 Սեպտեմբերի 2021
Մինչև 200 մբ/վ հիմնական արագություններ «Ռոստելեկոմ»-ից. ընկերությունը հանդես է գալիս նաև նոր առաջարկով
«Ռոստելեկոմ»-ն իր բաժանորդներին է ներկայացնում նոր անակնկալներ.այսուհետ ընկերության Ինտերնետ ծառայության բաժանորդները կստանան նոր՝ ավելի բարձր հիմնական արագություններ
19:50
10 Սեպտեմբերի 2021
Նախագահական նստավայրում տեղի է ունեցել ՀՀ կառավարության անդամների երդման արարողությունը (ՎԻԴԵՈ)
Նախագահական նստավայրում տեղի է ունեցել ՀՀ կառավարության անդամների երդման արարողությունը.ՎԻԴԵՈ
19:03
10 Սեպտեմբերի 2021
Ալիևը հիստերիայի մեջ է,Մուրադովը պայթեցրել է ադրբեջանական մամուլը,սահմանին էլ փոխհրաձգություն է եղել․ՕՐՎԱ ԼՈւՐԵՐ (ՎԻԴԵՈ)
Ալիևը հիստերիայի մեջ է,Մուրադովը պայթեցրել է ադրբեջանական մամուլը,սահմանին էլ փոխհրաձգություն է եղել․ՕՐՎԱ ԼՈւՐԵՐ.ՎԻԴԵՈ
13:36
10 Սեպտեմբերի 2021
Հայտնի են «Միսս Տիեզերք Արմենիա 2021» և «Միսս Աշխարհ Արմենիա 2021» մրցույթների մասնակիցների անունները (ՖՈՏՈ)
Հայտնի են «Միսս Տիեզերք Արմենիա 2021» և «Միսս Աշխարհ Արմենիա 2021» մրցույթների մասնակիցների անունները.ՖՈՏՈ
13:24
10 Սեպտեմբերի 2021
Երևանի թիվ 122 դպրոցի նախկին տնօրենն ազատ է արձակվել
Երևանի թիվ 122 դպրոցի նախկին տնօրենն ազատ է արձակվել
13:15
10 Սեպտեմբերի 2021
Մեղրիի փողոցներով ուղտեր են շրջում (ՎԻԴԵՈ)
Մեղրիի փողոցներով ուղտեր են շրջում.ՎԻԴԵՈ
10:15
10 Սեպտեմբերի 2021
ՇՏԱՊ ԼՈՒՐԵՐ. միջադեպ Արցախում, թշնամին դուրս է եկել ռուսների դեմ, Փաշինյանն էլ նոր թուղթ կստորագրի. ՕՐՎԱ ԱՄՓՈՓՈւՄ (ՎԻԴԵՈ)
ՇՏԱՊ ԼՈՒՐԵՐ. միջադեպ Արցախում, թշնամին դուրս է եկել ռուսների դեմ, Փաշինյանն էլ նոր թուղթ կստորագրի. ՕՐՎԱ ԱՄՓՈՓՈւՄ.ՎԻԴԵՈ
15:55
09 Սեպտեմբերի 2021
Ո՞ր ոլորտներին է վերաբերում հոկտեմբերի 1-ից պատվաստվելու կամ ՊՇՌ թեստ ներկայացնելու պահանջը. ԱՆ–ն պարզաբանում է
ԱՆ–ն պարզաբանում է, թե ո՞ր ոլորտներին է վերաբերում հոկտեմբերի 1-ից պատվաստվելու կամ ՊՇՌ թեստ ներկայացնելու պահանջը
15:37
09 Սեպտեմբերի 2021
Բլոկի անվան դպրոցի`արդեն նախկին տնօրենը ձերբակալվել է. տնօրենի շուրջ ստեղծված սկանդալի հետքերով
Բլոկի անվան դպրոցի`արդեն նախկին տնօրենը ձերբակալվել է. տնօրենի շուրջ ստեղծված սկանդալի հետքերով
15:25
09 Սեպտեմբերի 2021
ԱՆ–ն զգուշացնում է. Հայաստանը հայտնվել է համաճարակային «կարմիր» գոտում (ԳՐԱՖԻԿ)
ԱՆ–ն զգուշացնում է. Հայաստանը հայտնվել է համաճարակային «կարմիր» գոտում.ԳՐԱՖԻԿ
15:15
09 Սեպտեմբերի 2021
Armenia ավիաընկերությունը դեպի Մոսկվա և Թբիլիսի ամենօրյա չվերթեր կգործարկի
Armenia ավիաընկերությունը կգործարկի ամենօրյա չվերթեր Երևանից դեպի Մոսկվա և Թբիլիսի