Բազմաթիվ հակասություններ կան. հրդեհի հետևանքով զոհված զինծառայողների ծնողները բողոքի ակցիա են կազմակերպել կառավարության շենքի դիմաց
20.02.2023,
13:55
«Ինչպե՞ս եղավ, որ երեխաները քնեցին։ Ո՞վ և ո՞ւմ հրամանով են նրանց դուրս բերել այնտեղից։ Դիակները դիահերձարան տեղափոխելուց մեկ ժամ անց բոլորի ինքնությունը պարզվեց։ Այսինքն՝ ամեն ինչ հայտնի էր»,- նշում են զոհված զինծառայողների ծնողները
ԵՐԵՎԱՆ, 20 փետրվարի./Նովոստի–Արմենիա/. Ազատ գյուղի զորամասերից մեկի ինժեներասակրավորական վաշտի կացարանի տարածքում բռնկված հրդեհի հետևանքով մահացած զինծառայողների ծնողները երկուշաբթի բողոքի ակցիա են կազմակերպել կառավարության շենքի դիմաց։
Նրանք պահանջում են բացահայտել դեպքի բոլոր հանգամանքները, պահանջում են հանդիպում վարչապետ Նիկոլ Փաշինյանի հետ։
Թե ծնողները, թե ընդհանրապես հասարակությունը որոշակի կասկածներ ունեն իշխանությունների հնչեցրած վարկածի վերաբերյալ։ Կան ենթադրություններ հակառակորդի կողմից դիվերսիա իրականացնելու վերաբերյալ։
Ի վերջո զոհված զինծառայողների ծնողներին հաջողվել է հանդիպել իշխանության ներկայացուցիչների հետ։ Հանդիպման ընթացքում քննարկվել է ԴՆԹ փորձաքննության արդյունքները ծնողներին տրամադրելու հնարավորությունը։
«Մենք պետք է հստակ իմանանք, թե ինչ է տեղի ունեցել: Ինչպե՞ս եղավ, որ երեխաները քնեցին։ Ե՞րբ են նրանք քնել: Ինչպե՞ս եղավ, որ այրվեցին. Ո՞վ և ո՞ւմ հրամանով են նրանց դուրս բերել այնտեղից։ Դիակները դիահերձարան տեղափոխելուց մեկ ժամ անց բոլորի ինքնությունը պարզվեց։ Այսինքն՝ ամեն ինչ հայտնի էր»,- ասաց ծնողներից մեկը։
Ակցիայի մեկ այլ մասնակից մատնանշեց բազմաթիվ հակասություններ պաշտոնական վարկածում, ինչպես նաև վկաների ցուցմունքներում։–0–
Նրանք պահանջում են բացահայտել դեպքի բոլոր հանգամանքները, պահանջում են հանդիպում վարչապետ Նիկոլ Փաշինյանի հետ։
Թե ծնողները, թե ընդհանրապես հասարակությունը որոշակի կասկածներ ունեն իշխանությունների հնչեցրած վարկածի վերաբերյալ։ Կան ենթադրություններ հակառակորդի կողմից դիվերսիա իրականացնելու վերաբերյալ։
Ի վերջո զոհված զինծառայողների ծնողներին հաջողվել է հանդիպել իշխանության ներկայացուցիչների հետ։ Հանդիպման ընթացքում քննարկվել է ԴՆԹ փորձաքննության արդյունքները ծնողներին տրամադրելու հնարավորությունը։
«Մենք պետք է հստակ իմանանք, թե ինչ է տեղի ունեցել: Ինչպե՞ս եղավ, որ երեխաները քնեցին։ Ե՞րբ են նրանք քնել: Ինչպե՞ս եղավ, որ այրվեցին. Ո՞վ և ո՞ւմ հրամանով են նրանց դուրս բերել այնտեղից։ Դիակները դիահերձարան տեղափոխելուց մեկ ժամ անց բոլորի ինքնությունը պարզվեց։ Այսինքն՝ ամեն ինչ հայտնի էր»,- ասաց ծնողներից մեկը։
Ակցիայի մեկ այլ մասնակից մատնանշեց բազմաթիվ հակասություններ պաշտոնական վարկածում, ինչպես նաև վկաների ցուցմունքներում։–0–
Պատճենել հղումը
