Այսօր նախատեսված է Աշոտ Փաշինյանի առերեսումը զոհված զինծառայողի մայրիկի հետ

ԵՐԵՎԱՆ, 18 մայիսի./Նովոստի-Արմենիա/.Այսօր նախատեսվում է զոհված զինծառայող Ժորա Մարտիրոսյանի մոր' տիկին Գայանեի առերեսումը վարչապետի որդու' Աշոտ Փաշինյանի հետ, որը պնդում է, որ տիկին Գայանեն իրեն առևանգել է։

Այս մասին հայտնել է փաստաբան Ռուբեն Մելիքյանը Facebook-յան իր էջում։

«Երեկ գիշերվա հազարին տիկին Գայանեին Էրեբունի ԲԿ-ից տեղափոխել են ձերբակալվածներին պահելու վայր։ Տեղափոխել են՝ հիվանդանոցի բազմաթիվ մուտքերից մեկով, որի առջև այդ պահին մարդիկ չեն եղել», - գրել է Մելիքյանը:

Ավելի վաղ Մելիքյանն իր ֆեյսբուքյան էջում հայտնել էր, որ զոհված զինծառայողի ծնողին՝ տիկին Գայանեին շտապօգնության մեքենայով տեղափոխել են Էրեբունի ԲԿ, որտեղ հավաքվել են տասնյակ քաղաքացիներ։ Ինչպես նշել է փաստաբանը, ժամը 03։00-ի դրությամբ Գայանե Մարտիրոսյանը դեռ գտնվում էր բժշկական կենտրոնում։–0–





։