Ամերիաբանկն առաջին մասնաճյուղն է բացել Հրազդանում.հատուկ առաջարկ նոր հաճախորդների համար (ՖՈՏՈ, ՎԻԴԵՈ)

ԵՐԵՎԱՆ, 6 հոկտեմբերի./Նովոստի–Արմենիա/. Ամերիաբանկն այսօր բացեց իր նոր` «Հրազդան» մասնաճյուղը Կոտայքի մարզի Հրազդան քաղաքում։ 

Մասնաճյուղը գտնվում է ք. Հրազդան, Միկրոշրջան թաղամաս, Զ. Անդրանիկի պողոտա 139 հասցեում։ Այն աշխատելու է երկուշաբթիից ուրբաթ` ժամը 10:30-ից մինչև ժամը 18:00-ը:

«Հրազդան» մասնաճյուղն առաջարկում է արտոնյալ պայմաններով ծառայություններ բոլոր այն ֆիզիկական և իրավաբանական անձանց, ովքեր կդառնան Ամերիաբանկի հաճախորդ` բացելով հաշիվ Ամերիաբանկի «Հրազդան» մասնաճյուղում մինչև 2021թ. դեկտեմբերի 30-ը ներառյալ:

Հետևելով աճի ռազմավարությանը 

«Ինչպես ձեզ հայտնի է, Ամերիաբանկն ունի աճի և զարգացման հստակ ռազմավարություն, որի հիմնական ուղղությունն է հաճախորդների սպասարկումը` թվային և տեխնոլոգիական ալիքների ու գործիքների կիրառմամբ։ Հաշվի առնելով մեր հաճախորդների բազայի ընդլայնման տեմպերը` մենք նաև ընդլայնում ենք մասնաճյուղերի ցանցը», – ասաց Ամերիաբանկի Մանրածախ բանկինգի տնօրեն Արման Բարսեղյանը։ 

Նրա խոսքով, Ամերիաբանկը փորձում է մասնաճյուղեր բացել այն բնակավայրերում, որտեղ բնակվում են առավել թվով հաճախորդներ։

«Հրազդանը դարձավ հերթական քաղաքը, որտեղ կա մասնաճյուղ բացելու անհրաժեշտություն` հաշվի առնելով քաղաքի ներուժը, ձեռնարկությունները։ Սա ընթացիկ տարում բացված չորրորդ մասնաճյուղն է և առաջինը` մարզերում։ Երեքը բացվել է Երևանում` «Դալմա», «Էրեբունի» առևտրի կենտրոններում և Մաշտոցի պողոտայում», – ասաց Բարսեղյանը։ 

Նա նշեց, որ 2021թ.–ին ընդլայնվել է նաև Ջերմուկի մասնաճյուղը։ Մինչև տարեվերջ նախատեսվում է բացել ևս մեկ բավականին մեծ մասնաճյուղ Մալաթիա–Սեբաստիա վարչական շրջանում։ 

«Հինգ մասնաճյուղերի բացումը վկայում է բանկի զարգացման տեմպերի և հաճախորդների ու բիզնեսի ակտիվության մասին։ Ամերիաբանկը երկրի խոշորագույն բանկերից է, ընդ որում խոսքը ոչ միայն թվային ցուցանիշների մասին է, ըստ որոնց բանկը առաջատար է, այլև` որակական։ Խոսքը նաև սպասարկման որակի, թվայնացման մասին է։ Մեր գործառնությունների ավելի քան 90%–ն իրականացվում է մասնաճյուղերից դուրս, այնպես որ կարող եք պատկերացնել, թե թվայնացման ինչ մակարդակի մասին է խոսքը», – ասաց Բարսեղյանը։

Նա խոստացավ, որ գործընթացը կլինի շարունակական։ Հետագայում այլ քաղաքներում ևս, որտեղ կա հաճախորդների բազա, կբացվեն մասնաճյուղեր, չնայած առաջնահերթությունը տրվում է թվային տեխնոլոգիական լուծումներին` առցանց համակարգերին և հարթակներին։

«Միավորելով դրանք` մենք կստանանք էկոհամակարգեր, որոնցում մեր հաճախորդները կկարողանան բավարարել իրենց բիզնես պահանջները, այդ թվում` ոչ ֆինանսական», – ասաց Բարսեղյանը։

Նա հիշեցրեց, որ Հայաստանի բավականին մեծ թվով բնակիչներ դեռ չեն օգտվում բանկային ծառայություններից։ Այսպիսով, առաջիկա տարիներին մարզերում մասնաճյուղերի բացումը կնպաստի տնտեսության զարգացմանը, եկամուտների ավելացմանը, «ստվերային» տնտեսության նվազմանը։ Եվ Ամերիաբանկն ընդլայնելու է իր ֆիզիկական և թվային ներկայությունը` բնակչությանը պատշաճ կերպով սպասարկելու համար։ 

Նոր մասնաճյուղի հարմարավետությունն ու նորարարությունները

Ամերիաբանկի մասնաճյուղային ցանցի և կոնտակտային կենտրոնի ղեկավար Անդրանիկ Խաչատրյանն իր հերթին նշեց, որ «Հրազդան» մասնաճյուղը Կոտայքի մարզի երկրորդ մասնաճյուղն է և բավականին հարմարավետ ու գեղեցիկ է` նորարարական լուծումներով և տեխնոլոգիապես հագեցած։

«Դրա շնորհիվ` մենք կկարողանանք մարզում ապահովել սպասարկման բարձր մակարդակ։ Մասնաճյուղի բացման կապակցությամբ մենք առաջարկում ենք մի շարք արտոնյալ պայմաններ մեր նոր հաճախորդներին` ինչպես ֆիզիկական, այնպես էլ իրավաբանական անձանց», – ասաց Խաչատրյանը։ 

Նրա խոսքով, ֆիզիկական անձանց առաջարկվում է մեկ դեբետային կամ կրեդիտային վճարային քարտ (առանց մեկ տարվա սպասարկման վճարի), օնլայն/մոբայլ բանկինգ ծառայությունների անվճար տրամադրում, անվճար հաշիվ` ծառայությունների ողջ փաթեթով, VISA ստիկեր` տարեկան 1500 ՀՀ դրամ սպասարկման վճարով (3000 դրամի փոխարեն)։

«Իրավաբանական անձանց առաջարկվում է Օնլայն/Մոբայլ բանկինգ ծառայությունների տրամադրում` մեկ տարի անվճար սպասարկմամբ, ընկերության 2 ղեկավարի համար մեկական վճարային քարտ` առանց մեկ տարվա սպասարկման վճարի, ինչպես նաև Business տեսակի քարտի տրամադրում ` առանց մեկ տարվա սպասարկման վճարի», – ասաց Խաչատրյանը։

Նա վստահություն հայտնեց, որ «Հրազդան» մսանաճյուղը նոր մակարդակի վրա կբարձրացնի ծառայությունների որակը։ Խաչատրյանը նշեց, որ «Հրազդան» մասնաճյուղում ստեղծված են և' օնլայն, և' օֆլայն սպասարկման հնարավորություններ. կանխիկի մուտքագրման և ելքագրման բանկոմատ, վճարային տերմինալ: Մասնաճյուղը մատուցելու է Ամերիաբանկի կողմից առաջարկվող բոլոր ծառայությունները:

«Ստեղծվել է 9 աշխատատեղ, աշխատակիցների մեծ մասը բնակվում է մարզում։ Հույս ունենք, որ բիզնեսի զարգացմամբ մենք կկարողանանք ավելացնել աշխատատեղերի թիվը», – ասաց Խաչատրյան` հույս հայտնելով, որ բոլոր հաճախորդները գոհ կլինեն նոր մասնաճյուղի սպասարկմամբ։

«Հրազդան» մասնաճյուղի հաճախորդներից մեկը` Թամարա Նավասարդյանը, հայտարարեց, որ մասնաճյուղի բացումն իր քաղաքում կարելի է միայն ողջունել։ Նա սկսել է օգտվել Ամերիաբանկի ծառայություններից Դիլիջանում, Աբովյանում։

«Ինձ համար շատ հեշտ է համագործակցել Ամերիաբանկի հետ։ Ես գործառնություններ եմ կատարում քարտով, վարկերով, արդեն երեք տարի է ապառիկ եմ վճարում», – ասաց Նավասարդյանն` ավելացնելով, որ Ամերիաբանկը հաջողություն է բերում։

Ամերիաբանկի մասին 

Ամերիաբանկը Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: 

Ամբողջական տեղեկատվության համար  այցելել www.ameriabank.am կամ զանգահարել (+37410) 56 11 11 հեռախոսահամարով;

Բանկը վերահսկվում է ՀՀ Կենտրոնական բանկի կողմից:–0–