Ադրբեջանը կրակ է բացել Սոթքի հանքավայրի ուղղությամբ, աշխատակից է վերավորվել. ընկերության ներկայացուցիչ

ԵՐԵՎԱՆ, 7 մայիսի./Նովոստի-Արմենիա/. Ադրբեջանը կրակ է բացել Գեղարքունիքի մարզում գտնվող Սոթքի հանքավայրի ուղղությամբ, «Նովոստի-Արմենիա» գործակալությանը հայտնեց «ԳեոՊրոՄայնինգ» ընկերությունների խմբի (շահագործում է Սոթքի հանքավայրը, որը գտնվում է Ադրբեջանի հետ սահմանին, խմբգր.) մամուլի քարտուղար Ռուզաննա Գրիգորյանը:

«Հանքավայրի աշխատակիցը ձախ ձեռքի վիրավորում է ստացել: Բարեբախտաբար, ներքին օրգանների վնասվածքներ չկան: Նա զինվորական հոսպիտալում է, վիրահատում են, բժիշկները վիճակը գնահատում են կայուն», - նշեց Գրիգորյանը: