ԱԺ ընդդիմադիր ուժերը նախաձեռնել են ԱԺ նիստ ռազմական դրությունը չեղարկելու համար (ՎԻԴԵՈ)

ԵՐԵՎԱՆ, 22 դեկտեմբերի./Նովոստի–Արմենիա/. «Բարգավաճ Հայաստան» և «Լուսավոր Հայաստան» ընդդիմադիր խորհրդարանական խմբակցությունները չորեքշաբթի նախաձեռնել են ԱԺ արտահերթ նիստ, ասաց ԲՀԿ–ական Իվետա Տոնոյանը երեքշաբթի ընդդիմության հանրահավաքի ժամանակ։


Նիստի օրակարգում է Հայաստանում ռազմական դրության չեղարկման հարցը։

«Այս իշխանությունը, արհեստականորեն ձգելով ռազմական դրությունը, պարզապես փորձում է սահմանափակել այստեղ հավաքված բոլոր մարդկանց գործողությունները», – ասաց նա։

Տոնոյանի խոսքով, եթե «Իմ քայլի» պատգամավորները գան խորհրդարան, հաստատեն օրակարգն ու քննարկեն այն, ապա կունենան «սեփական դեմքն ու ապագան փրկելու» վերջին հնարավորությունը։–0–