ԵՐԵՎԱՆ, 24 մայիսի./Նովոստի–Արմենիա/. Ազգային անվտանգության ծառայության տնօրեն Արթուր Վանեցյանն ուրբաթ լրագրողների հետ զրույցում հայտարարեց, որ ԱԱԾ–ն կկատարի իր գործառույթները vetting–ի ներդրման շրջանակում։
«Անկեղծ ասած չգիտեմ, թե vetting–ն օրենք է լինելու, թե որոշում, երբ լինի հստակ նշված, թե ինչ է իրենից ներկայացնում vetting–ը, ոնց ենք պատկերացնում այն, և եթե ԱԱԾ–ն ունենա իր գործառույթները, ապա միանշանակ կկատարի իր անելիքները», – ընդգծեց Վանեցյանը։
Պատսխանելով այն հարցին, թե անհրաժեշտություն չի՞ տեսնում, որ ոչ միայն դատավորների, այլ նաև մյուս պաշտոնյաների շրջանում vetting իրականցվի, Վանեցյանը նշեց. «Ես, ընդհանրապես, անհրաժեշտություն եմ տեսնում, որ ողջ պետական համակարգի նկատմամբ հասարակության շրջանում չմնան կասկածներ: Պետք է անել ամեն ինչ` դա կկոչվի vetting, թե այլ բան, որ հասարակության շրջանում բոլոր կասկածները փարատվեն` ինչպես նշանակվեց, որտեղի՞ց նրան այդ ունեցվածքը»:
Загружается новость ... "Лево"
Մայիսի 19–ին ՀՀ վարչապետ Նիկոլ Փաշինյանը հայտարարել է «Հանուն անկախ դատարանների» ակցիայի մեկնարկի մասին և կոչ է արել երկուշաբթի առավոտյան արգելափակել բոլոր դատարանների շենքերի ելքերն ու մուտքերը։ Երկուշաբթի 8։30–ից մինչև 13։30–ը վարչապետի կոչով ակտիվիստների խմբերն ապաարգելափակել են երկրի դատարանների մուտքերը։
Նույն օրը Փաշինյանը հայտարարել է, որ դատարանները չեն օգտվում հանրության վստահությունից, և եկել է դատական համակարգում «վիրահատական միջամտության» ժամանակը։ Մասնավորապես, նրա խոսքով, Հայաստանի դատավորները պետք է ենթարկվեն vetting ի։ Փաշինյանը նաև հայտարարել է, որ երկրում եկել է անցումային արդարադատության մեխանիզմների ներդրման անհրաժեշտությունը։-0-