100–300 հազար դրամի տուգանք` խանութներում հակահամաճարակային կանոնների չպահպանման դեպքում
![100–300 հազար դրամի տուգանք` խանութներում հակահամաճարակային կանոնների չպահպանման դեպքում 100–300 հազար դրամի տուգանք` խանութներում հակահամաճարակային կանոնների չպահպանման դեպքում](/upload/iblock/e44/gcbwvhcsr2n77nzn6ymf82rdqr4sx6u8.jpg)
ԵՐԵՎԱՆ, 20 օգոստոսի./Նովոստի–Արմենիա/. Հանրապետությունում covid-19-ը վարակի տարածման աճով պայմանավորված՝ ՀՀ սննդամթերքի անվտանգության տեսչական մարմինը խստացրել է վերահսկողությունը հանրապետության իրացման ցանցերում, հաղորդում է Սննդամթերքի անվտանգության տեսչական մարմինը:
Հաջորդիվ ստուգայցեր կլինեն նաև հանրային սննդի օբյեկտներ և սննդամթերքի արտադրամասեր:
Նախօրեին Տեսչական մարմնի Երևանի կենտրոնի տեսուչները շրջայց են կատարել Երևանի Կենտրոն և Դավթաշեն վարչական շրջանների խոշոր սուպերմարկետներ:
Կորոնավարակի կանխարգելման հիմնական պահանջները չեն փոխվել. աշխատակիցներն ու գնորդները պետք է կրեն դիմակ, պահեն սոցիալական հեռավորություն, խանութներում պետք է հասանելի տեղում լինեն ձեռքերի ախտահանիչներ, մակերեսները պետք է պարբերաբար ախտահանվեն, ունենան ախտահանման ու ջերմաչափման գրանցամատյաններ:
Որոշ խանութներում հակահամաճարակային կանոնները պահպանված չէին: Այդ տնտեսավարողներն առաջին անգամ խիստ նախազգուշացվել են, իսկ խախտումների կրկնվելու դեպքում՝ կտուգանվեն 100-ից 300 հազար դրամի չափով:
Ստուգայցերը շարունակվելու են:–0–