ԵՐԵՎԱՆ, 31 հոկտեմբերի. /Նովոստի-Արմենիա/. Հայաստանի ոստիկանությունը մտադիր է 2017 թ.-ին ավելացնել փողոցային տեսախցիկների և ռադարների քանակը:
«Հիմա Հայաստանում գործում է 179 տեսակցիկ և ռադար: 2017 թվականին դրանց թիվը 12-ով կավելանա: Բացի այդ, այժմ այդ տեխնիկայի միջոցով վերահսկվում է 123 խաչմերուկ և փողոց, հետագայում այդ թվաքանակը կավելացվի 35-ով», - երկուշաբթի 2017 թ.-ի պետական բյուջեի նախագծի քննարկման ժամանակ հայտարարեց ՀՀ ոստիկանության պետի տեղակալ Վարդան Եղիազարյանը:
Նրա խոսքով, ձեռք կբերվի 45 ալկոմետր: Մշակվում է նաև շարժական տեսախցիկներ ներդնելու ծրագիրը:
«Տեսախցիկների թվի ավելացումը հանգեցրել է նրան, որ նախորդ տարվա համեմատ` մարմանական վնասվածքներով ՃՏՊ-ների թվաքանակը 145–ով կրճատվել է», - ասաց Եղիազարյանը:
2015 թ.-ին տեսախցիկների օգտագործման միջոցով հավաքվել է ավելի քան 8 մլրդ դրամի տուգանք, իսկ 2016 թ.-ին սպասվում է այդ ցուցանիշի նվազում 1 մլրդ դրամով: Մեկ ռադարի արժեքը մոտ 10-11 հազար եվրո է: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում