Վարչապետը Դավոս է մեկնել մասնավոր օդանավով, որի վարձակալության համար պետբյուջեից գումար չի հատկացվել (ՖՈՏՈ)

ԵՐԵՎԱՆ, 23 հունվարի. /Նովոստի–Արմենիա/. Երեկ Սերժ Սարգսյանն աշխատանքային այցով մեկնեց Փարիզ, որտեղ այսօր կհանդիպի Ֆրանսիայի նախագահ Էմանուել Մակրոնի հետ: Իսկ վարչապետ Կարեն Կարապետյանը երեկ մեկնեց Դավոս՝ մասնակցելու Դավոսի համաշխարհային տնտեսական համաժողովին:

Ս. Սարգսյանը Ֆրանսիա մեկնեց ՀՀ նախագահին սպասարկող ինքնաթիռով, ինչը Կ. Կարապետյանին զրկել էր նույն ինքնաթիռով Շվեյցարիա մեկնելու հնարավորությունից, գրում է «Հայկական ժամանակը»։

«Կարեն Կարապետյանը, սակայն, այս իրավիճակին յուրահատուկ լուծում էր գտել: Նա անգամ օդից լուսանկար հրապարակեց, ցույց տալու համար, թե ինչպիսի օդանավով է մեկնում Դավոս», – գրում են հոդվածի հեղինակները։



«ՀՀ վարչապետը Դավոս է մեկնել մասնավոր օդանավով, որի վարձակալության համար, սակայն պետբյուջեից գումար չի հատկացվել»,- թերթին փոխանցել են կառավարության տեղեկատվության և հասարակայնության հետ կապերի վարչությունից:

Ըստ որոշ տեղեկությունների՝ վարչապետին Դավոս հասցրած ինքնաթիռը պատկանում է ռուսաստանաբնակ մեծահարուստ Սամվել Կարապետյանին, գրում է թերթը:–0–