Նախորդ շաբաթվա կարևոր նորությունների հնգյակը

ԵՐԵՎԱՆ, 6 փետրվարի./Նովոստի–Արմենիա/. «Նովոստի–Արմենիա» գործակալությունը հրապարակում է նախորդ շաբաթվա կարևոր նորությունների հնգյակը։

• Նախորդ շաբաթ հայկական լրատվամիջոցների կենտրոնական թեման իշխող ՀՀԿ–ի և ՀՅԴ–ի միջև ընթացող բանակցություններն էին, որոնք վերաբերում են իշխանական կոալիցիայի ստեղծմանը։ ՀՀԿ խորհրդարանական խմբակցության ղեկավար Վահրամ Բաղդասարյանի խոսքով` ՀՅԴ-ի հետ գործակցությունը քննարկվում է հեռանկարային ապագայի տեսանկյունից։ Իսկ ՀՅԴ խմբակցության քարտուղար Աղվան Վարդանյանն անդրադարձել է նախատեսված համագործակցության շրջանակում պատասխանատվության ոլորտի հստակեցման հարցին։ ՀՀԿ–ի հետ հնարավոր փոխգործակցության մասին իր կարծիքն է հայտնել նաև ԲՀԿ առաջնորդ Նաիրա Զոհրաբյանը։

• ՀՀ ԱԳ նախարար Էդվարդ Նալբանդյանն, ամփոփելով նախորդ տարվա արդյունքները, անդրադարձել է հանրապետության արտաքին քաղաքականության գրեթե բոլոր ուղղություններին` ԵՏՄ–ում Հայաստանի անդամակցությունից, ՌԴ–ի հետ փոխհարաբերություններից մինչև Ադրբեջանի ապակառուցողական դիրքորոշումն ու ԵԽԽՎ–ում ընդունված հակահայկական բանաձևը։

• Հինգշաբթի լույս ուրբաթ գիշերը Ադրբեջանի կողմից արձակած գնդակից Ղարաբաղի ՊԲ զինծառայող է զոհվել։

• Հայտնի բռնցքամարտիկ Արթուր Աբրահամը 7–րդ անգամ ճանաչվել է Գերմանիայի լավագույն բռնցքամարտիկ։

• Արագածոտնի մարզի գյուղերից մեկում փետրվարի 3–ի գիշերը կրակոցներ են հնչել, ինչի հետևանքով մահացել է 2 մարդ, կան նաև տուժածներ։–0–