574.15
6.6
485.17
+18
Եղանակը Երևանում
Հայ

Մահացել է Երևանի ռուսական դրամատիկական թատրոնի գեղարվեստական ղեկավար Ալեքսանդր Գրիգորյանը

20:44
31 Հոկտեմբերի 2017

ԵՐԵՎԱՆ, 31 հոկտեմբերի. /Նովոստի–Արմենիա/. Կյանքից հեռացել է Երևանի Ստանիսլավսկու անվան ռուսական դրամատիկական թատրոնի գեղարվեստական ղեկավար Ալեքսանդր Գրիգորյանը։

Տխուր լուրը հաղորդել է նրա որդին` Ալեքսանդր Գրիգորյանը, Facebook–յան իր էջում։

«Հայրի′կ, շնորհակալություն, դու եղել, կաս և կլինես լավագույնը։ Շատ կկարոտեմ քեզ, R.I.P», – գրել է նա։



Ալեքսանդր Գրիգորյանը Հայաստանի ժողովրդական արտիստ է, Ռուսաստանի արվեստի վաստակավոր գործիչ։ Նա ծնվել է 1936 թ.–ի օգոստոսի 20–ին Բաքվում։

Արդեն 26 տարեկանում նա դարձել է Սմոլենսկի շրջկենտրոնի թատրոնի գլխավոր ռեժիսոր, իսկ 28-ում հրավիրվել Հայաստան` որպես Երևանի Կ.Ս.Ստանիսլավսկու անվ. պետական ռուսական թատրոնի գլխավոր ռեժիսոր, ուր աշխատում էր մինչ օրս:

Նրա անվան հետ կապված են թատրոնի լավագույն ներկայացումները` Մ.Լերմոնտովի «Դիմակահանդես»-ը, Ն.Գոգոլի «Ռևիզորը», Ա.Սուխովո-Կոբիլինի «Տարելկինի մահը», Վ.Շեքսպիրի «Մաքբետը» և շատ, շատ ուրիշներ, որոնք բարձրացրեցին թատրոնի հեղինակությունը:

Նա բեմադրել է ավելի քան 150 ներկայացում ոչ միայն Երևանում, այլ Մոսկվայում, Սանկտ Պետերբուրգում, Յարոսլավլում, Վոլգոգրադում, Կալինինգրադում, Օդեսայում, Լվովում, Քիշնևում, ինչպես նաև Բուլղարիայում, Ռումինիայում, Հարավսլավիայում, Սլովակիայում, Լեհաստանում, Հունգարիայում: Նրա ներկայացումներից շատերը արժանացել են բարձր մրցանակների ու պարգևների:

1982թ.–ին Գրիգորյանը հրավիրվել է Օդեսա, որտեղ Իվանովի անվ. թատրոնի բեմում բեմադրել է Ա.Պապայանի «Փեսացուն արտասահմանից» պիեսը: Ներկայացումը մեծ հաջողություն է ունեցել: Այն բարձր է գնահատվել հանդիսատեսի, քննադատների և լրագրողների կողմից:

1999թ.–ին ռուսական թատրոնի զարգացման մեջ իր մեծ ներդրման համար Ա.Գրիգորյանը արժանացել է «Ռուսաստանի արվեստի վաստակավոր գործիչ» կոչմանը:

2000թ.–ին Ա.Գրիգորյանը դարձել է Ստանիսլավսկու, իսկ 2001թ.–ին Սմոկտունովսկու Միջազգային թատերական մրցանակների դափնեկիր:

Դժվարին 90-ական թվականներին, երբ Հայաստանի բոլոր թատրոնները անգործության էին մատնված, Գրիգորյանը կարողացել է ոչ միայն պահպանել թատրոնը, այլ դարձնել այն ավելի աշխատունակ: Շնորհիվ Ա.Գրիգորյանի, թատրոնում շուրջ 25 տարի գործում է դերասանական ստուդիա, որի շրջանավարտները հաջողությամբ աշխատում են ոչ միայն Հայաստանի թատրոններում, այլ նաև նրա սահմաններից դուրս:

Ա.Գրիգորյանի նախաձեռնությամբ Երևանի թատերական ինստիտուտի պատմության մեջ 2000թ.–ին առաջին անգամ բացվել է դերասանի վարպետության ռուսական կուրս:

2007թ. –ին Ռուսաստանի Դաշնության նախագահ Վլադիմիր Պուտինի հրամանով Գրիգորյանը պարգևատրվել է բարձր ռուսական պարգևով՝ «Բարեկամություն» շքանշանով: 2010թ.–ին Ա.Գրիգորյանն արժանացել է Թատրոնի միջազգային ակադեմիայի ակադեմիկոսի կոչման։–0–
Partners News
Partners News
ԱՌԿԱ գործակալություն
Բաժնի այլ նյութեր
22:43
13 Օգոստոսի 2020
Բռնցքամարտի աշխարհի նախկին չեմպիոն Իսրայել Հակոբկոխյանն արդեն 2 օր է հացադուլ է անում (ՎԻԴԵՈ)
Իսրայել Հակոբկոխյանը հայտնել է իր անժամկետ հացադուլի պատճառներն ու դադարեցնելու պայմանները․ ՎԻԴԵՈ
21:09
13 Օգոստոսի 2020
Արթուր Մեսչյանը մի քանի օրից կազատվի Երևանի գլխավոր ճարտարապետի պաշտոնից
Արթուր Մեսչյանը սեփական դիմումի հիման վրա կազատվի Երևան քաղաքի գլխավոր ճարտարապետի պաշտոնից
19:40
13 Օգոստոսի 2020
Ուժեղացվելու է հսկողությունը գիշերային ժամերին լռության խախտման դեպքերի, հրավառությունների իրականացման, հրագործական արտադրանքի իրացման նկատմամբ
ՀՀ տարածքում հրավառությունների կազմակերպման համար օգտագործվող արտադրանքի ներմուծումն ու վաճառքը հնարավորինս կսահմանափակվի՝ բացառությամբ որոշ տոնական օրերին նախորդող ժամանակաշրջանը

19:06
13 Օգոստոսի 2020
Վլադիմիր Գասպարյանը՝ 2018 թվականի հեղափոխության և Էլեկտրիկ Երևանի մասին. ՕՐՎԱ ԼՈՒՐԵՐ (ՎԻԴԵՈ)
Վլադիմիր Գասպարյանը՝ 2018 թվականի հեղափոխության և Էլեկտրիկ Երևանի մասին. ՕՐՎԱ ԼՈՒՐԵՐ. ՎԻԴԵՈ
17:10
13 Օգոստոսի 2020
Հայաստանում ԱՄՆ դեսպանությունն արգելել է իր աշխատակիցներին ճամփորդել որևէ հայկական ավիաընկերությամբ
Հայաստանում ԱՄՆ դեսպանությունն արգելել է իր աշխատակիցներին օգտվել որևէ հայկական ավիաընկերությունից և նույնը հորդորում է անել ԱՄՆ քաղաքացիներին
13:38
13 Օգոստոսի 2020
Կառավարությունն ընդունեց 24-րդ միջոցառումը. այն ուղղված է կոնյակագործներին ու գինեգործներին աջակցելուն
Կառավարությունն ընդունեց 24-րդ միջոցառումը. այն ուղղված է կոնյակագործներին ու գինեգործներին աջակցելուն
12:13
13 Օգոստոսի 2020
Աջակցություն զբոսաշրջության ոլորտին. Կառավարությունը հաստատեց հակաճգնաժամային 23-րդ միջոցառումը
Աջակցություն զբոսաշրջության ոլորտին. Կառավարությունը հաստատեց հակաճգնաժամային 23-րդ միջոցառումը
11:02
13 Օգոստոսի 2020
COVID-19-ից մահացել է 3 մարդ. ամենաերիտասարդը 68 տարեկան է. ԱՆ
COVID-19-ից մահացել է 3 մարդ. ամենաերիտասարդը 68 տարեկան է. ԱՆ
10:49
13 Օգոստոսի 2020
229 դեպք` 1 օրում. ՀՀ–ում կորոնավիրուսի դեպքերի թիվը հասավ 41023–ի
229 դեպք` 1 օրում. ՀՀ–ում կորոնավիրուսի դեպքերի թիվը հասավ 41023–ի
08:15
13 Օգոստոսի 2020
Արտակարգ դրության 5-րդ երկարաձգումը, սահմանափակումների մեղմացումները, ապօրինի պատշգամբի ապամոնտաժումը. ամփոփում ենք օգոստոսի 12-ի լրահոսը
Արտակարգ դրության 5-րդ երկարաձգումը, սահմանափակումների մեղմացումները, ապօրինի պատշգամբի ապամոնտաժումը. ամփոփում ենք օգոստոսի 12-ի լրահոսը
21:05
12 Օգոստոսի 2020
ՎՏԲ-Հայաստան Բանկն առաջարկում է շուկայի ամենացածր սակագինը՝ Հայաստանից ՌԴ դրամական փոխանցումներ իրականացնելու համար
ՎՏԲ-Հայաստան Բանկն առաջարկում է շուկայի ամենացածր սակագինը՝ Հայաստանից ՌԴ դրամական փոխանցումներ իրականացնելու համար
19:55
12 Օգոստոսի 2020
Քանյե Ուեսթի Yeezy բրենդի սպորտային կոշիկների նոր դիզայնը ցնցել է համացանցի օգտատերերին (ՖՈՏՈ)
Քանյե Ուեսթի Yeezy բրենդի սպորտային կոշիկների նոր դիզայնը ցնցել է համացանցի օգտատերերին. ՖՈՏՈ