Ի՞նչ գիտեք Հայաստանում պարենային զամբյուղի մասին

ԵՐԵՎԱՆ, 7 նոյեմբերի. /Նովոստի–Արմենիա/. Պարենային զամբյուղը մարդուն մեկ ամսվա համար անհրաժեշտ մթերքի հավաքածուն է։ Զամբյուղի պարունակությունը հաշվարկվում է` ելնելով մարդու ֆիզիկական պահանջները բավարարող մթերքների օգտագործման նվազագույն նորմերից։

Հայաստանում պարենային զամբյուղի նվազագույն արժեքն ամսական կտրվածքով կազմում է 31,4 հազար դրամ, տարեկան կտրվածքով` 376,8 հազար դրամ։

«Նովոստի–Արմենիա» գործակալությունը որոշել է պարզել, թե ինչ է ներառում սննդամթերքի նվազագույն զամբյուղը մեր երկրի մեկ մարդու հաշվարկով։

Ազգային վիճակագրական ծառայության տվյալների համաձայն` 2017 թ.–ի երրորդ եռամսյակում պարենային նվազագույն զամբյուղում ներառված են հետևյալ հիմնական մթերքները.

Հաց – մեկ մարդու համար օգտագործման օրական նորման 250 գրամ է (օգտագործման տարեկան նորման 91,3 կգ է, մեկ մարդու համար օգտագործման տարեկան նորմի արժեքը 45 796,1 դրամ է)

Մսամթերք (տավարի միս) – 100 գրամ (36,5 կգ, 93 746 դրամ)

Կարտոֆիլ – 250 գրամ (91,3 կգ, 14 945,8 դրամ)

Միրգ (խնձոր) – օրական 200 գրամ (73 կգ, 34521,7 դրամ)

Բանջարեղեն (կաղամբ, սոխ) – 300 գրամ (109,5 կգ, 20 268,5 դրամ)

Շաքարավազ – օրական 50 գրամ (18,3 կգ, 9 828,9 դրամ)

Կաթնամթերք – 200 գրամ կաթ, 100 գրամ կաթնաշոռ (օգտագործման տարեկան նորմը համապատասխանաբար 73 ր 3,7 կգ է, տարեկան նորմի արժեքը` համապատասխանաբար 26 236,2 դրամ և 8 689,8 դրամ)

Ձու – օրական նորման` 0,5 հատ (մեկ մարդու համար օգտագործման տարեկան նորմը 182,5 հատ է, 11004, 8 դրամ)

Բուսայուղ – 20 գրամ (7,3 կգ, 5 097,6 դրամ)

Ձուկ – 30 գրամ (11 կգ, 27 163,4 դրամ)

Մարգարին – 10 գրամ (3,7 կգ , 4 189,1 դրամ)։–0–