Գիշերային սառնամանիքներ են սպասվում Հայաստանում

ԵՐԵՎԱՆ, 4 հոկտեմբերի. /Նովոստի-Արմենիա/. Գիշերային սառնամանիքներ են սպասվում Հայաստանի որոշ մարզերում:

Ինչպես հայտնում է Հայպետհիդրոմետը, հոկտեմբերի 5-ի լույս գիշերը Շիրակի և Գեղարքունիքի մարզերում, ինչպես նաև Վայոց Ձորի, Կոտայքի և Արագածոտնի լեռներում օդի ջերմաստիճանը կտատանվի -2...+2 աստիճանի սահմանում:

Մայրաքաղաքում չորեքշաբթի և հինգշաբթի ցերեկային ժամերին ջերմաստիճանը կանխատեսվում է +14...+17, մինչև կիրակի կտաքանա` հասնելով +23...+25 աստիճանի: Հոկտեմբերի 4-ին անձրևներ են սպասվում Հայաստանի մարզերի մեծամասնությունում, իսկ հոկտեմբերի 5-8-ը կանխատեսվում է առանց տեղումների եղանակ: Քամին կլինի հարավ-արևմտյան` 3-8 մետր վայրկյան արագությամբ: -0-