ԵՐԵՎԱՆ, 19 նոյեմբերի. /Նովոստի–Արմենիա/. Երթևեկի փոփոխություն է նախատեսված Երևանի կենտրոնական փողոցներում։
Загружается новость ... "Лево"
ՀՀ ոստիկանության մամուլի ծառայության հաղորդմամբ, ճանապարհային երթևեկության անվտանգության բարելավման նպատակով, ինչպես նաև հնարավոր ճանապարհատրանսպորտային պատահարներից խուսափելու համար Երևան քաղաքի Արգիշտիի, Գր.Լուսավորչի, Բեյրութի և Իտալիայի փողոցների խաչմերուկում 2017 թվականի նոյեմբերի 19-ից կկատարվի երթևեկության կազմակերպման փոփոխություն:
Փոփոխության արդյունքում Արգիշտիի փողոցի վրա՝ Երևանի քաղաքապետարանի դիմացի հատվածի սիզամարգի վերջնամասում, Հաղթանակի կամուրջի ուղղությամբ երթևեկող տրանսպորտային միջոցների համար կկազմակերպվի ևս մեկ հետադարձի տեղ, որտեղից հետադարձ կատարող տրանսպորտային միջոցները կարող են երթևեկել ինչպես Իտալիայի, այնպես էլ աջ շրջադարձով Գր.Լուսավորչի փողոցների ուղղությամբ: Իսկ նախկին գործող հետադարձի տեղից հետադարձ կատարողները Արգիշտիի փողոցի ձախ եզրային 5-րդ երթևեկելի գոտիով այսուհետ կերթևեկեն միայն Իտալիայի փողոցի ուղղությամբ:–0–
