ԵՐԵՎԱՆ, 29 նոյեմբերի. /Նովոստի Արմենիա/. ՀՀ ԱԻՆ Հիդրոմետ ծառայության Օդերևութաբանության կենտրոնի պետ Գագիկ Սուրենյանը է պատմել է, թե ինչպիսի եղանակ է սպասվում Հայաստանում այս ձմեռ։
«Ամսական կտրվածքով օդի ջերմաստիճանն ու սպասվելիք տեղումների քանակը դեկտեմբերին, հունվարին ու փետրվարին կլինի նորմայի սահմաններում։ Այնուամենայնիվ, միջին ամսական ջերմաստիճանը դեռ թույլ չի տալիս պատկերացում կազմել այն մասին` ամիսը տաք, թե սառը կլինի։ Միջին ամսական ջերմաստիճանը կարող է գտնվել նորմայի սահմաններում, սակայն, ասենք, ամսվա կեսը կարող է բավականին սառը լինել, իսկ մյուս կեսը` համեմատաբար տաք», –ասաց Սուրենյանը չորեքշաբթի մամուլի ասուլիսի ժամանակ։
Նրա խոսքով, ձմռան ամիսներին Կովկասի տարածքում կգրանցվի մթնոլորտի ակտիվ շրջանառություն։
«Այսինք կլինեն ժամանակաշրջաններ, երբ հանրապետության տարածքը կգտնվի ցուրտ արկտիկական օդային զանգվածների ազդեցության ներքո, կլինեն նաև օրեր, երբ ազդեցություն կգործեն օդի համեմատաբար տաք օդային հոսանքները», – ասաց Սուրենյանը։
Նա նշեց, որ Արարատի և Արմավիրի մարզերում, ինչպես նաև Արագածոտնի, Կոտայքի և Վայոց Ձորի նախալեռնային շրջաններում տաք օդային հոսանքների ներթափանցման դեպքում առանձին օրերին օդի ջերմաստիճանը կարող է կազմել +8...+10 աստիճան։
Загружается новость ... "Лево"
«Արկտիկական ցուրտ օդային հոսանքների ներթափանցման դեպքում նշված մարզերում օդի ջերմաստիճանը գիշերը կնվազի մինչև -22...-24 աստիճան, – ավելացրեց Սուրենյանը։
Նա նաև ընդգծեց, որ Շիրակի և Արագածոտնի մարզերում, ինչպես նաև Արագածոտնի լեռներում, Կոտայքում և Վայոց Ձորում տաք օդային հոսանքների ներթափանցման ժամանակ օդի ջերմաստիճանը կկազմի 0...+5 աստիճան, իսկ արկտիկական ցուրտ օդային հոսանքների ժամանակ ջերմաստիճանը նշված մարզերում կնվազի` հասնելով մինչև -25...-30 աստիճանի։
«Լոռու մարզում տաք օդային հոսանքների ներթափանցման դեպքում օդի ջերմաստիճանը ցերեկը կկազմի +5...+10 աստիճան, իսկ ցուրտ օդային հոսանքների դեպքում գիշերը ջերմաստիճանը կկազմի -22...-27 աստիճան։ Տավուշում առանձին օրերի օդի ջեռմաստիճանը կբարձրանա մինչև 8–13 աստիճան տաքություն, առանձին օրերին կնվազի` հասնելով -12...-16–ի», – ասաց Սուրենյանը։
Նա հավելեց, որ Սյունիքի նախալեռնային շրջաններում տաք օդային հոսանքների ներթափանցման պարագայում օդի ջերմաստիճանը ցերեկը կկազմի 2–7 աստիճան տաքություն, իսկ հովտային շրջաններում`10–14 աստիճան տաքություն, սառը օդային հոսանքների ներթափանցման օրերին օդի ջերմաստիճանը հովտային շրջաններում կկազմի -10...-15 աստիճան, իսկ լեռնային շրջաններում` -15...–20։
«Երևանում տաք օդային հոսանքների ներթափանցման օրերին օդի ջերմաստիճանը ցերեկը կկազմի +8...+10 աստիճան, իսկ արկտիկական ցուրտ օդային հոսանքների ներթափանցման դեպքում գիշերային ժամերին օդի ջերմաստիճանը կհասնի -20...-22–ի», – նշեց Սուրենյանը։
Անցած տարվա եղանակային պայմանների մասին խոսելիս, երբ Արարատյան դաշտում 60 օր շարունակ գրանցվում էին ցուրտ օդային հոսանքների լճացումեր, Սուրենյանը նշեց, որ վիճագրական տվյալների համաձայն, այդպիսի ձմեռներ Արարատյան դաշտավայրում լինում են 50 տարին մեկ անգամ։
«Այս տարի առանձին օրերին Արարատյան դաշտում սպասվում է մառախուղ, սակայն անցած տարվա պես ցուրտ օդային հոսանքների լճացում և արևի բացակայություն չի կանխատեսվում։ Նման երևույթներ կդիտվեն միայն առանձին օրերին, ինչը նորմա է համարվում», – ասաց Սուրենյանը։ –0–
