Սուրենյանը կանխատեսում է տաք և արևառատ օրեր

ԵՐԵՎԱՆ, 25 դեկտեմբերի. /Նովոստի–Արմենիա/. Հայհիդրոմետկենտրոնի օդերևութաբանական կանխատեսումների բաժնի պետ ԳագիկՍուրենյանը Հայաստանում տաք և արևառատ օրեր է կանխատեսել։

«Ժողովուրդ ջան, վաղվանից սկսած մեզ սպասում են 5 արևառատ և շատ տաք օրեր»,– գրել է նա նախօրեին Facebook–յան իր էջում։

Հայպետհիդրոմետի հաղորդմամբ, ամենաբարձր ջերմաստիճանը կգրանցվի Սյունիքի հովիտներում, որտեղ երկուշաբթի և երեքշաբթի ցերեկային ժամերին կանխատեսվում է +10...+13 աստիճան, իսկ հետագա օրերին ջերմաստիճանը կբարձրանա` հասնելով +13...+17։

Երևանում երկուշաբթի ցերեկը կգրանցվի +8...+10 աստիճան, իսկ ուրբաթ կլինի ավելի տաք` +10...+12։

Միաժամանակ, դեկտեմբերի 25–29–ը հանրապետության ողջ տարածքում կանխատեսվում է առանց տեղումների եղանակ։

Քամին կլինի հարավ–արևմտյան` 3–8 մ/վ արագությամբ։–0–