Պավել Մանուկյանին և Վարուժան Ավետիսյանին առաջադրված մեղադրանքները լրացվել են

ԵՐԵՎԱՆ, 11 օգոստոսի. /Նովոստի–Արմենիա/. Ապօրինի զենք-զինամթերք ձեռք բերելու, իրացնելու, պահելու, փոխադրելու և պատանդ վերցնելու մեջ մեղադրվող «Սասնա ծռեր» խմբավորման անդամ Պավել Մանուկյանին առաջադրված մեղադրանքը լրացվել է, հաղորդում է Yerkir.am-ը` հղում անելով Պավել Մանուկյանի պաշտպան Ինեսա Պետրոսյանին:

Մանուկյանին մեղադրանք է առաջադրվել 35-225-րդ հոդված հատկանիշներով (զանգվածային անկարգությունների նախապատրաստում)՝ նախորդ տարվա ապրիլի 24-ին զանգվածային անկարգություններ կազմակերպելու համար:

Պավել Մանուկյանը կալանքի տակ է հուլիսի 31-ից:

Նույն հոդվածներով մեղադրանք է առաջադրվել նաև խմբի մյուս անդամ Վարուժան Ավետիսյանին։ Նրան նույնպես վերագրվում է նախորդ տարվա ապրիլի 24-ին զանգվածային անկարգություններ կազմակերպելը:–0–