ԵՐԵՎԱՆ, 23 նոյեմբերի. /Նովոստի-Արմենիա/. ՀՀ վարչապետի պաշտոնակատար Նիկոլ Փաշինյանն ուրբաթ «Հայատանի տնտեսության զարգացման արդիական խնդիրները և ռազմավարական ուղղությունները» թեմայով համաժողովում հայտարարեց, որ բախվել է պետական ապարատի ծայրահեղ անարդյունավետության հետ:
«2019 թ.-ի ընթացքում մենք անպայման կանդրադառնանք այդ հարցին: Հուսով եմ, որ ընտրություններին մենք կստանանք վտահության քվե և կանդրադառնանք այդ հարցին», - ասաց նա:
Նա նշեց նաև, որ հասարակության շրջանում առկա է կառավարման մոդելի ոչ ճիշտ ընկալում, և բոլորը ցանկանում են, որ կառավարությունը կամ անգամ վարչապետը անցնեն միկրոմենեջմենթի մակարդակի, որպեսզի «նա ամեն շքամուտքում լուծի կոնկրետ անջատիչի հարցը»:
«Եթե մենք գնանք այդ ուղղությամբ` կհայտնվենք աղետի եզրին, քանի որ կառավարության խնդիրն է ոչ թե ամեն մանրէի կենսագործունեությունը, այլ ողջ օրգանիզի առողջությունը», - ասաց նա:
Փաշինյանը չպատասխանեց նախարարների թվի կրճատման մասին հարցին` կենտրոնանալով թվայնացման գործընթացի վրա:
«Առանց թվայնացման անհնար է արդյունավետության բարձրացումը: Հիշու՞մ եք, երբ հայտարարեցի ID քարտերի մասին` նշելով, որ դրանք անհրաժեշտ են նրա համար, որպեսզի մարդկանց պետք չգան տեղեկանքներ: Սակայն տեղեկանքները ինչպես եղել են, այդպես էլ մնացել են, չնայած տրամաբանությունն այն էր, որպեսզի մարդը մեկ անգամ պետական մարմնին ներկայացներ իր մասին տեղեկությունը և հետագայում արդեն ստիպված չլիներ նույն տեղեկանքը ներկայացնել», - ասաց Փաշինյանը:
Նոյեմբերի 20-ին կայացած մամուլի ասուլիսում ՀՀ վարչապետի պաշտոնակատար Նիկոլ Փաշինյանը հայտնել է, որ արտահերթ խորհրդարանական ընտրություններից հետո նախարարությունների թիվը երկրում կկրճատվի:-0-
