ԵՐԵՎԱՆ, 14 դեկտեմբերի. /Նովոստի–Արմենիա/. «Նովոստի–Արմենիան» երկրի մեդիադաշտի ծանրակշիռ դերակատարներից է, ասաց «Ինտեգրացիա և զարգացում» հետազոտական–վերլուծական հասարակական կազմակերպության ղեկավար Արամ Սաֆարյանը։
«Վերջին տասը տարում ես ոչ միայն «Նովոստի–Արմենիայի» հաջողությունների վկան եմ, այլ նաև մասնակիցն այն բոլոր տեղեկատվական հոսքերի, որոնք պատմում են մեր երկրի, հասարակական–քաղաքական կյանքի և միջազգային կապերի ու խնդիրների մասին», – ասաց փորձագետը։
Նրա գնահատմամբ` գործակալությունը բավականին ծանրակշիռ դեր է խաղում Հայաստանի մեդիադաշտում, և նրա կորուստը կարող է դառնալ բավականին լուրջ և անդառնալի ինչպես հայկական ԶԼՄ–ների, այնպես էլ երկրի հասարակական–քաղաքական կյանքի համար։
«Այդ պատճառով ես կարծում եմ, որ մեր բոլոր ընկերները պետք է ուժերի ներածին չափով օգնեն գործակալությանը նորանոր հաջողություններ ձեռք բերելու, գործունեությունը թարմացնելու և նշանակալից նոր բարձունքների հասնելու հարցում։ Այս ամենին պետք է աջակցեն նաև նրանք, ովքեր այս տասը տարվա ընթացքում եղել են «Նովոստի–Արմենիայի» տեղեկատվական հաղթանակների վկան ու մասնակիցը», – ասաց Սաֆարյանը։
«Նովոստի–Արմենիա» գործակալությունը մեջբերմամբ կայուն, առաջատար դիրքեր է զբաղեցնում արտասահմանյան ԶԼՄ–ներում` լինելով Հայաստանից ստացվող հավաստի և օպերատիվ տեղեկատվության հուսալի աղբյուր։
Հիմա www.newsarmenia.am գործակալության կայքում ամսական դիտումների թիվը գերազանցում է 500 հազարը, ընդ որում` դրանց կեսը բաժին է ընկնում Հայաստանի ընթերցողներին։
ԱՄԻ «Նովոստի–Արմենիա» գործակալությունը (www.newsarmenia.am) 1996 թվականի մայիսի 1–ից գործող «ԱՌԿԱ» հեղինակավոր մեդիահոլդինգի մի մասն է։ Այսօր «ԱՌԿԱ» մեդիահոլդինգի կազմում են նաև` www.telecom.arka.am և բարձր տեխնոլոգիաների պորտալը, www.armbanks.am ֆինանսաբանկային պորտալը, www.finstore.am գործարար տեղեկատվության ինտերնետ–խանութը, Adnet.am գովազդային ցանցը, ԱՌԿԱ Style կայքը և MediaGid.am լրատվական ագրեգատորը։ -0-
