ԼՂՀ ՊՆ–ն պարզաբանում է զորացրված զինծառայողների զինգրքույկում կատարված գրառումների հետ կապված իրավիճակը

ՍՏԵՓԱՆԱԿԵՐՏ, 1 փետրվարի. /Նովոստի–Արմենիա/. ԼՂՀ պաշտպանության նախարարությունը իրազեկում է, որ 2016թ. ապրիլյան մարտական գործողությունների մասնակցի կարգավիճակ տալու վերաբերյալ գոյություն ունի ՊԲ հրամանատարության կողմից հստակեցված կարգ, համաձայն որի զինծառայողի զինգրքույկի մեջ կատարվում է համապատասխան գրառում, հաղորդում է ԼՂՀ ՊՆ մամուլի ծառայությունը։

Ինչ վերաբերում է որոշ զորացրված զինծառայողների զինգրքույկներում արված, իսկ այնուհետև անվավեր ճանաչված գրառումներին, ապա դա բացառապես պայմանավորված է տվյալ զորամասի համապատասխան պաշտոնատար անձի անփութության հետևանքով թույլ տրված վրիպումով:

ԼՂՀ պաշտպանության նախարարությունը կոչ է անում այն զորացրված զինծառայողները, ովքեր ունեն պարզաբանման կարիք, դիմել 28-08-23 հեռախոսահամարով:–0–