Հայաստանում կառուցվում է 453 կվտ և 1 ՄՎտ հզորությամբ երկու նոր արևային կայան
18.02.2017,
15:31
Հայաստանում կառուցվում է ևս 2 արևային համակարգային կայան:

ԵՐԵՎԱՆ, 18. /Նովոստի-Արմենիա/. Հայաստանում կառուցվում է ևս 2 արևային համակարգային կայան, այս մասին Facebook-յան իր էջում հայտնել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը:
Հարությունյանը նշում է, որ Հայաստանի տարբեր տների ու բիզնեսների տանիքներին գործում են արդեն 35-ից ավելի արևային կայաններ։
«Եվս 2 արևային համակարգային կայան կառուցվում են 453 կվտ և 1 ՄՎտ հզորությամբ։ Արևային ջրատաքացուցիչների կիրառումը նույնպես նոր թափ է ստացել այս տարի», - նշում է նա։
Միաժամանակ փոխնախարարը ընդգծում է, որ արևային կայանների բարիքից չօգտվելը անտրամաբանական է: -0-