ՀՀ–ում ՌԴ դեսպանատունը շնորհակալագիր է հանձնել «Նովոստի–Արմենիա» գործակալության գլխավոր տնօրենին

ԵՐԵՎԱՆ, 14 դեկտեմբերի. /Նովոստի–Արմենիա/. ՀՀ–ում ՌԴ արտակարգ և լիազոր դեսպան Իվան Վոլինկինը շնորհակալագիր է հանձնել «Նովոստի–Արմենիա» գործակալության գլխավոր տնօրեն Գալինա Դավիթյանին գործակալության 10–ամյա հոբելյանի կապակցությամբ։

«ՀՀ–ում ՌԴ դեսպանատունը երախտագիտություն է հայտնում «Նովոստի–Արմենիա» միջազգային լրատվական գործակալության տնօրեն Գալինա Դավիթյանին հայ–ռուսական բարեկամության զարգացման և ամրապնդման գործում կատարած բազմամյա ներդրման, հայ–ռուսական իրադարձությունների և եվրասիական թեմատիկայի օբյեկտիվ լուսաբանման համար», – նշվում է շնորհակալագրում։

«Նովոստի–Արմենիա» գործակալությունը մեջբերմամբ կայուն, առաջատար դիրքեր է զբաղեցնում արտասահմանյան ԶԼՄ–ներում` լինելով Հայաստանից ստացվող հավաստի և օպերատիվ տեղեկատվության հուսալի աղբյուր։
Հիմա www.newsarmenia.am գործակալության կայքում ամսական դիտումների թիվը գերազանցում է 500 հազարը, ընդ որում` դրանց կեսը բաժին է ընկնում Հայաստանի ընթերցողներին։

ԱՄԻ «Նովոստի–Արմենիա» գործակալությունը (www.newsarmenia.am) 1996 թվականի մայիսի 1–ից գործող «ԱՌԿԱ» հեղինակավոր մեդիահոլդինգի մի մասն է։ Այսօր «ԱՌԿԱ» մեդիահոլդինգի կազմում են նաև` www.telecom.arka.am ն և բարձր տեխնոլոգիաների պորտալը, www.armbanks.am ֆինանսաբանկային պորտալը, www.finstore.am գործարար տեղեկատվության ինտերնետ–խանութը, Adnet.am գովազդային ցանցը, ԱՌԿԱ Style կայքը և MediaGid.am լրատվական ագրեգատորը։ -0-