ՀՀ նախագահ. Հայաստանը նախատեսում է ավելացնել «կանաչ» էներգետիկայի մասնաբաժինը ընդհանուր էներգետիկ հաշվեկշռում
25.01.2017,
14:57
Հայաստանում նախատեսվում է զգալիորեն ավելացնել «կանաչ» էներգետիկայի մասնաբաժինը, ասաց ՀՀ նախագահը չորեքշաբթի «Էներգետիկայի շաբաթ 2017»-ի բացման ժամանակ:
![ՀՀ նախագահ. Հայաստանը նախատեսում է ավելացնել «կանաչ» էներգետիկայի մասնաբաժինը ընդհանուր էներգետիկ հաշվեկշռում ՀՀ նախագահ. Հայաստանը նախատեսում է ավելացնել «կանաչ» էներգետիկայի մասնաբաժինը ընդհանուր էներգետիկ հաշվեկշռում](/upload/iblock/315/92ghrjxn2u1apid9sw047is326qi2q0k.jpg)
ԵՐԵՎԱՆ, 25 հունվարի. /Նովոստի-Արմենիա/. Հայաստանում նախատեսվում է զգալիորեն ավելացնել «կանաչ» էներգետիկայի մասնաբաժինը, ասաց ՀՀ նախագահ Սերժ Սարգսյանը չորեքշաբթի «Էներգետիկայի շաբաթ 2017»-ի բացման ժամանակ:
«Էներգետիկայի շաբաթ 2017»-ը և դրա շրջանակում կազմակերպված Արևային էներգետիկայի ներդրումային համաժողովն անցկացվում են Հայաստանում հունվարի 25-27-ը:
«Առաջիկա մի քանի տարում մենք նախատեսում ենք զգալիորեն մեծացնել վերարտադրվող էներգետիկայի մասնաբաժինը ընդհանուր էներգետիկ հաշվեկշռում` արևային, հողմային և երկրաջերմային կայանների կառուցման միջոցով: Այս համաժողովը կարող է հիանալի հարթակ դառնալ վերարտադրվող էներգետիկայի ոլորտում զարգացումների և ներդրումային հնարավորությունների քննարկման համար», - ասաց Սարգսյանը:
Նրա խոսքով, երկարաժամկետ հեռանկարում «կանաչ» սկզբունքների վրա հիմնված տնտեսությունը ավելի հեռանկարային է և կայուն: Հենց այդ պատճառով էլ այդ ոլորտի ռազմավարության զարգացման համատեքստում կարևորվում է վերարտադրվող էներգետիկայի զարգացումը։
«Բազմաթիվ գիտական հետազոտությունների արդյունքների համաձայն, Հայաստանն ունի արևային էներգետիկայի զարգացման մեծ ներուժ: Ներդրողների համար գրավիչ դաշտ ստեղծելու համար վերջերս համաշխարհային լավագույն փորձի օգտագործմամբ իրականացվել են մի շարք օրենսդրական բարեփոխումներ», - ասաց Սարգսյանը:
Նա նշեց, որ վերջին տարիներին 80 տոկոսով նվազել է արևային ֆոտովոլտային կայանների տեխնոլոգիաների արժեքը: Նախնական հաշվարկները ցույց են տալիս, որ նորագույն տեխնոլոգիաների շնորհիվ հնարավոր է մրցունակ սակագին ստանալ արևային կայանների համար, ինչը թույլ կտա բացառել բացասական ազդեցությունները վերջնական սպառողների համար սահմանված էլեկտրական էներգիայի սակագնի վրա:
«Այսպիսով, համաշխարհային ճանաչում ունեցող ընկերությունների համար հնարավորություններ են ստեղծվում մասնակցելու Հայաստանում իրականացվող մրցույթներին և կառուցելու մեծ հզորությամբ ֆոտովոլտային կայաններ», - ասաց Սարգսյանը: -0-
«Էներգետիկայի շաբաթ 2017»-ը և դրա շրջանակում կազմակերպված Արևային էներգետիկայի ներդրումային համաժողովն անցկացվում են Հայաստանում հունվարի 25-27-ը:
«Առաջիկա մի քանի տարում մենք նախատեսում ենք զգալիորեն մեծացնել վերարտադրվող էներգետիկայի մասնաբաժինը ընդհանուր էներգետիկ հաշվեկշռում` արևային, հողմային և երկրաջերմային կայանների կառուցման միջոցով: Այս համաժողովը կարող է հիանալի հարթակ դառնալ վերարտադրվող էներգետիկայի ոլորտում զարգացումների և ներդրումային հնարավորությունների քննարկման համար», - ասաց Սարգսյանը:
Նրա խոսքով, երկարաժամկետ հեռանկարում «կանաչ» սկզբունքների վրա հիմնված տնտեսությունը ավելի հեռանկարային է և կայուն: Հենց այդ պատճառով էլ այդ ոլորտի ռազմավարության զարգացման համատեքստում կարևորվում է վերարտադրվող էներգետիկայի զարգացումը։
«Բազմաթիվ գիտական հետազոտությունների արդյունքների համաձայն, Հայաստանն ունի արևային էներգետիկայի զարգացման մեծ ներուժ: Ներդրողների համար գրավիչ դաշտ ստեղծելու համար վերջերս համաշխարհային լավագույն փորձի օգտագործմամբ իրականացվել են մի շարք օրենսդրական բարեփոխումներ», - ասաց Սարգսյանը:
Նա նշեց, որ վերջին տարիներին 80 տոկոսով նվազել է արևային ֆոտովոլտային կայանների տեխնոլոգիաների արժեքը: Նախնական հաշվարկները ցույց են տալիս, որ նորագույն տեխնոլոգիաների շնորհիվ հնարավոր է մրցունակ սակագին ստանալ արևային կայանների համար, ինչը թույլ կտա բացառել բացասական ազդեցությունները վերջնական սպառողների համար սահմանված էլեկտրական էներգիայի սակագնի վրա:
«Այսպիսով, համաշխարհային ճանաչում ունեցող ընկերությունների համար հնարավորություններ են ստեղծվում մասնակցելու Հայաստանում իրականացվող մրցույթներին և կառուցելու մեծ հզորությամբ ֆոտովոլտային կայաններ», - ասաց Սարգսյանը: -0-