«Ելք» դաշինքն առաջադրել է Երևանի քաղաքապետի իր թեկնածուին
07.04.2017,
16:55
Ընդդիմադիր «Ելք» դաշինքը առաջադրել է Երևանի քաղաքապետի իր թեկնածուին:
![«Ելք» դաշինքն առաջադրել է Երևանի քաղաքապետի իր թեկնածուին «Ելք» դաշինքն առաջադրել է Երևանի քաղաքապետի իր թեկնածուին](/upload/iblock/2a3/e03pkv3or8wpcnqxyg2cxtko6j31cxur.jpg)
ԵՐԵՎԱՆ, 7 ապրիլի. /Նովոստի-Արմենիա/. Ընդդիմադիր «Ելք» դաշինքը, որը ապրիլի 2-ին կայացած խորհրդարանական ընտրությունների արդյունքով ներառվել է ՀՀ նոր խորհրդարանի կազմում, Երևանի քաղաքապետ է առաջադրել իր առաջնորդներից մեկին` Նիկոլ Փաշինյանին:
«Համոզված եմ` գիտեք, որ մոտ մեկ ամսից տեղի են ունենալու Երևանի քաղաքապետի ընտրություններ և պատիվ ունեմ տեղեկացնել, որ գլխավորելու եմ «Ելք» դաշինքի ցուցակը Երևանի ավագանու ընտրություններում, այսինքն` քաղաքապետի թեկնածու եմ առաջադրվելու: Եվ մենք թիմով այս ընտրություններին մասնակցում ենք միայն մեկ նպատակով` հաղթելու այդ ընտրություններում և ստանձնելու Երևանի քաղաքային իշխանությունը», - հայտարարել է Փաշինյանը Facebook-ում հրապարակված իր տեսաուղերձում:
Փաշինյանը խոստովանել է, որ այդ ընտրությունն իրեն հեշտությամբ չի տրվել, քանի որ Ազգային ժողովի ընտրություններին նա ընտրվել է որպես պատգամավոր:
«Մեր թիմի օգտին, նաև իմ օգտին մարդիկ քվեարկել են, որպեսզի մենք օգտագործենք փոփոխությունների բոլոր հնարավորությունները, որպեսզի մենք կարողանանք բերել փոփոխություններ, օգնենք Հայաստանի քաղաքացիներին գտնել ելքը հուսահատության այս փոսից», - ասել է Փաշինյանը:
Հայաստանի Սահմանդրության նոր խմբագրման համաձայն, Երևանի ավագանու խորհուրդն այսուհետ կընտրվի ոչ թե 4, այլ 5 տարի ժամկետով։
Ավագանու խորհուրդը կազմված է 65 անդամներից, ովքեր ընտրվում են բացառապես կուսակցական ցուցակներով։ Եթե կուսակցությունը կամ կուսակցական դաշինքը հավաքում է ձայների ավելի քան 50 տոկոսը, ապա կուսակցական ցուցակի առաջին համարն ավտոմատ կերպով դառնում է Երևանի քաղաքապետ։ Հակառակ դեպքում քաղաքապետին ընտրում է Ավագանու ընտրված խորհուրդը։ -0-
«Համոզված եմ` գիտեք, որ մոտ մեկ ամսից տեղի են ունենալու Երևանի քաղաքապետի ընտրություններ և պատիվ ունեմ տեղեկացնել, որ գլխավորելու եմ «Ելք» դաշինքի ցուցակը Երևանի ավագանու ընտրություններում, այսինքն` քաղաքապետի թեկնածու եմ առաջադրվելու: Եվ մենք թիմով այս ընտրություններին մասնակցում ենք միայն մեկ նպատակով` հաղթելու այդ ընտրություններում և ստանձնելու Երևանի քաղաքային իշխանությունը», - հայտարարել է Փաշինյանը Facebook-ում հրապարակված իր տեսաուղերձում:
Փաշինյանը խոստովանել է, որ այդ ընտրությունն իրեն հեշտությամբ չի տրվել, քանի որ Ազգային ժողովի ընտրություններին նա ընտրվել է որպես պատգամավոր:
«Մեր թիմի օգտին, նաև իմ օգտին մարդիկ քվեարկել են, որպեսզի մենք օգտագործենք փոփոխությունների բոլոր հնարավորությունները, որպեսզի մենք կարողանանք բերել փոփոխություններ, օգնենք Հայաստանի քաղաքացիներին գտնել ելքը հուսահատության այս փոսից», - ասել է Փաշինյանը:
Հայաստանի Սահմանդրության նոր խմբագրման համաձայն, Երևանի ավագանու խորհուրդն այսուհետ կընտրվի ոչ թե 4, այլ 5 տարի ժամկետով։
Ավագանու խորհուրդը կազմված է 65 անդամներից, ովքեր ընտրվում են բացառապես կուսակցական ցուցակներով։ Եթե կուսակցությունը կամ կուսակցական դաշինքը հավաքում է ձայների ավելի քան 50 տոկոսը, ապա կուսակցական ցուցակի առաջին համարն ավտոմատ կերպով դառնում է Երևանի քաղաքապետ։ Հակառակ դեպքում քաղաքապետին ընտրում է Ավագանու ընտրված խորհուրդը։ -0-