Այսօր երեկոյան, հնարավոր է, որոշակի հստակություն մտնի ԱԱԾ տնօրենի հարցում
ԵՐԵՎԱՆ, 10 փետրվարի. /Նովոստի–Արմենիա/. Վաղը՝ փետրվարի 11-ին, լրանում է ԱԱԾ տնօրեն Գորիկ Հակոբյանի պաշտոնավարման ժամկետը, գրում է «Հայկական ժամանակը»։
Նա 70 տարեկան է և, ըստ իշխանական շրջանակների պնդումների, ԱԱԾ տնօրենի պաշտոնին հրաժեշտ տալուց հետո էլ մնալու է ԱԱԾ-ում։
Հակոբյանի նոր պաշտոնը, ըստ թերթի տեղեկությունների, կոչվելու է ՀՀ նախագահի ներկայացուցիչը ԱԱԾ-ում։
Այս պահին ԱԱԾ երկու թեկնածուի անուն է շրջանառվում` ԱԱԾ տնօրենի տեղակալ Արզուման Հարությունյանինը, որը ՍԴ նախագահ Գագիկ Հարությունյանի եղբայրն է և Շիրակի մարզպետ Ֆելիքս Ցոլակյանինը։ Գորիկ Հակոբյանը, սակայն, օրեր առաջ Եռաբլուրում լրագրողների հետ զրույցում չէր բացառել, որ Սերժ Սարգսյանը ևս մեկ անգամ երկարացնի իր պաշտոնավարման ժամկետը։
Հնարավոր է, այսօր երեկոյան սպասվող ՀՀԿ նիստից հետո սույն հարցում ևս որոշակի հստակության մտնի, գրում է թերթը։–0–
