Ադրբեջանի ԶՈւ–ն կրակ է բացել հայկական գյուղի ուղղությամբ. ԷՔՍԿԼՅՈւԶԻՎ

ԵՐԵՎԱՆ, 15 ապրիլի./Նովոստի–Արմենիա/. Ադրբեջանի ԶՈւ–ն կիրակի գնդակոծել է ՀՀ Տավուշի մարզի Բաղանիս սահմանամերձ գյուղը։ Այս մասին «Նովոստի–Արմենիա» գործակալությանը տեղեկացրեց ՀՀ ՊՆ մամուլի քարտուղար Արծրուն Հովհաննիսյանը։

«Մոտավորապես ժամը 14։00–ի սահմանններում ադրբեջանական կողմը մի քանի կրակ է արձակել հրաձգային զինատեսակներից Բաղանիսի ուղղությամբ։ Տուժածներ չկան», – ասաց Հովհաննիսյանը։

Նրա խոսքով, այն բանից հետո, երբ հինգշաբթի Ադրբեջանի ԶՈւ–ն Բաղանիսի մոտակայքում քաղաքացիական բեռնատար է գնդակոծել, անվտանգության նպատակներով անորոշ ժամկետով փակ է Ոսկեպար–Բաղանիս ճանապարհահատվածը։ Երթևեկն իրականացվում է շրջանցիկ ճանապարհով։–0–