ԱՄՆ դեսպանատունը բարձր է գնահատում միջազգային անվտանգության գործում կատարած Հայաստանի ներդրումը. Միլզ

ԵՐԵՎԱՆ, 4 դեկտեմբերի. /Նովոստի–Արմենիա/. Հայաստանի դեսպանատունը բարձր է գնահատում միջազգային անվտանգության գործում կատարած Հայաստանի ներդրումը, «Նովոստի–Արմենիա» գործակալությանը տված բացառիկ հարցազրույցում հայտարարեց ՀՀ–ում ԱՄՆ արտակարգ և լիազոր դեսպան Ռիչարդ Միլզը։

«Միջազգային անվտանգության հարցում Հայաստանի առաջատար դերակատարման, մասնավորապես՝ ՆԱՏՕ-ի և ՄԱԿ-ի խաղաղապահ ուժերի կազմում իր հետզհետե ավելացող ու գործուն մասնակցության վերաբերյալ գովեստի բավարար խոսքեր չեմ գտնում», – ասաց Միլզը։

Նա նաև ողջունեց կառավարության վերջերս կայացրած որոշումը «Վճռական աջակցություն» առաքելությանը մինչև վերջ մասնակցելու վերաբերյալ, ինչպես նաև մասնակցությունը ՄԱԿ-ի խաղաղապահ գործողություններում՝ Լիբանանում և հավանաբար նաև Մալիում:

«1994թ.-ից ՆԱՏՕ-ի Գործընկերություն հանուն խաղաղության ծրագրի մասնակից դառնալուց ի վեր` Հայաստանը մշտապես արժանացել է ՆԱՏՕ-ի ղեկավարության գովեստին ու բարձր գնահատականին՝ Կոսովոյում և Աֆղանստանում կարևոր գործողությունների մասնակցության համար», – ասաց Միլզը։

Նրա խոսքով` Հայաստանի մասնակցությունը մատնանշում է, որ վերջինս պատրաստ է միջազգային հանրության հետ աշխատել առավել խաղաղ ու առավել արդարացի աշխարհ կերտելու ուղղությամբ: –0–