Աշուն է գալիս. Հայաստանում ջերմաստիճանը կնվազի 9-11 աստիճանով

ԵՐԵՎԱՆ, 30 օգոստոսի./Նովոստի–Արմենիա/. Հիդրոօդերևութաբանության և մոնիթորինգի կենտրոնը հայտնում է, որ սեպտեմբերի 3-4-ը ջերմաստիճանը աստիճանաբար կնվազի:

Իրաքի շրջաններից արևադարձային տաք օդային հոսանքների ներթափանցմամբ պայմանավորված հանրապետության ողջ տարածքում օգոստոսի 30-ին սպասվում է օդի ջերմաստիճանի բարձրացում 1-2 աստիճանով։

Ամենաբարձր ջերմաստիճանները կգրանցվեն օգոստոսի 30-31-ին` սեպտեմբերի 1-ին հանրապետության ցածրադիր գոտիներում, մասնավորապես Արարատյան դաշտում և նրա նախալեռներում, Սյունիքի հովիտներում և Երևանում հասնելով +38․․․+40 աստիճանի։

Նշված օրերին հանրապետության ողջ տարածքում սպասվում է բարձր կարգի հրդեհավտանգ իրավիճակ։

Գերատեսչությունից կոչ են անում պահպանել հրդեհավտանգության կանոնները։

Երևան քաղաքում՝ օգոստոսի 30-ի ցերեկը, 31-ին, սեպտեմբերի 1-4-ը սպասվում է առանց տեղումների եղանակ: 

Մայրաքաղաքում այսօր և վաղը ցերեկը սպասվում է +38...+40, գիշերը` +23..+25, իսկ սեպտեմբերի 1-ին ցերեկը կանխատեսվում է +37...+39, գիշերը` +23...+25։ Սեպտեմբերի 2-ին ցերեկը սպասվում է մինչև +37...+39, գիշերը ՝ +23...+25: Հաջորդող օրերին՝ 3-ին և 4-ին կանխատեսվում է  +28...+30, գիշերը՝ +22...+24:

Հանրապետության տարածքում` օգոստոսի 30-ի ցերեկը, 31-ին, սեպտեմբերի 1-2-ին, 4-ին սպասվում է առանց տեղումների եղանակ:

Սեպտեմբերի 3-ին կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է նաև կարկուտ:

Քամին հարավ-արևմտյան՝ 5-10մ/վրկ, ամպրոպի ժամանակ սպասվում է քամու ուժգնացում 18-23մ/վրկ արագությամբ։

Օդի ջերմաստիճանն օգոստոսի 30-ի ցերեկը կբարձրանա 1-2 աստիճանով, սեպտեմբերի 3-4-ը աստիճանաբար կնվազի 9-11 աստիճանով: -0-