Հայաստանում կորոնավիրուսի ընդհանուր դեպքերի թիվը հասնում է 350 հազարի, նախօրեին գրանցվել է 168 նոր դեպք, մահացել է 1 մարդ

ԵՐԵՎԱՆ, 17 հունվարի./Նովոստի–Արմենիա/. Հայաստանում հունվարի 17-ի` ժամը 11:00-ի դրությամբ, հաստատվել է կորոնավիրուսի 168 նոր դեպք, կատարվել է 4040 թեստավորում, առողջացել է 46 մարդ, մահացել է 1 մարդ, հաղորդում է ՀՀ առողջապահության նախարարությունը։

Այսպիսով, հաստատվել է կորոնավիրուսային հիվանդության ընդհանուր 347785 դեպք, որոնցից 333655 առողջացած: Փաստացի բուժում է ստանում 4594 պացիենտ:

Ընդհանուր առմամբ, կորոնավիրուսի հետևանքով 8020 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1516 է:

Ընդհանուր կատարվել է 2644655 թեստավորում:–0–