ԵՐԵՎԱՆ, 5 օգոստոսի./Նովոստի Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը:
Գերատեսչությունը զգուշացնում է, որ Արարատյան դաշտում և նրա նախալեռներում, Վայոց Ձորի նախալեռներում, Սյունիքի հովտային շրջաններում և Երևանում առկա է և սպասվում է բարձր կարգի հրդեհավտանգ իրավիճակ:
Օդի ջերմաստիճանն օգոստոսի 5-6-ն աստիճանաբար կբարձրանա 3-4 աստիճանով:
Քամին հարավ-արևմտյան է՝ 5-10 մ/վ, ամպրոպի ժամանակ սպասվում է քամու ուժգնացում` 15-20 մ/վ արագությամբ։
Հանրապետության տարածքում` օգոստոսի 5-ին և 6-ին սպասվում է առանց տեղումների եղանակ, 7-9-ի կեսօրից հետո առանձին շրջաններում սպասվում է անձրև և ամպրոպ, առանձին հատվածներում հնարավոր է նաև կարկուտ։
Մասնավորապես Երևան քաղաքում՝ 5-6-ը և 8-9-ը սպասվում է առանց տեղումների եղանակ։ Օգոստոսի 7-ի երեկոյան ժամերին առանձին հատվածներում սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում` 18-20 մ/վ արագությամբ:
Այսօր ցերեկը Երևանում կանխատեսվում է +35…+37 աստիճան, գիշերը՝ +21…+23: Օգոստոսի 6-ի ցերեկը սպասվում է +35…+37, գիշերը՝ +21…+23 աստիճան: Հաջորդող օրերին՝ 7-ին, 8-ին և 9-ին, ցերեկը կանխատեսվում է 34-ից մինչև 38 աստիճան տաքություն, գիշերը՝ +21….+26:-0-
