ԵՐԵՎԱՆ, 5 մարտի. /Նովոստի Արմենիա/. Պրոֆեսիոնալ բռնցքամարտիկ, տարբեր տիտղոսների դափնեկիր, աշխարհի նախկին բացարձակ չեմպիոն Վախթանգ Դարչինյանը կարող է դառնալ աշխարհի տասնակի չեմպիոն, եթե հաղթի ռուսաստանցի Եվգենի Գրադովիչին, այդ մասին այսօր լրագրողների հետ զրույցում հայտնեց բռմքամարտիկը:
«2017 թվականի սկզբին ավարտել եմ պրոֆեսիոնալ կարիերան, չնայած պաշտոնապես չեմ հայտնել դրա մասին: Սակայն որոշ ժամանակ անց առաջարկ եմ ստացել Ռուսաստանից` մենամարտ անցկացնելու աշխարհի ներկայիս չեմպիոն Եվգենի Գրադովիչի հետ, ով IBF վարկանիշով աշխարհի չեմպիոնական գոտի ունի: Պատասխան տալուց առաջ մենամարտ եմ անցկացրել, որպեսզի վերադառնամ նախկին մարզական վիճակին և առաջին իսկ ռաունդում հաղթանակ եմ տարել նոքաութով», - ասաց Դարչինյանը:
Եվգենի Գրադովիչը` ռուս պրոֆեսիոնալ բռնցքամարտիկ է, ով հանդես է գալիս կիսաթեթև քաշային կարգում: 2013 թ.-ի մարտից 2015 թ.-ի մայիսն ունեցել է IBF վարկանիշով աշխարհի չեմպիոնի տիտղոսը: Եվգենի Գրադովիչը ներառվել էր Գաթիի ցուցակ HBO վարկանիշով (5 ամենաարժանի ու տպավորիչ բռնցքամարտիկներ), որտեղ զբաղեցնում էր 2-րդ հորիզոնականը, զիջելով միայն Ռուսլան Պրովոդնիկովին:
Загружается новость ... "Лево"
Դարչինյանը նշեց, որ պատրաստ է բռնցքամարտի ու այդ հանդիպման տեսագրությունը նա ուղարկել է Գրադովիչի թիմին:
«Մոսկվայից դեռ չենք ստացել պատասխան, սակայն ես պատրաստ եմ սպասել ևս 2-3 ամիս: Նրանք մտածում էին, որ տարիքս արդեն մեծ է, ու ես չեմ կարողանալու մենամարտել: Սակայն տեսանյութը ստանալուց հետո հասկացան, որ ես կհամաձայնեմ կգամ հաղթանակի համար: Նշեմ նաև, որ ես համաձայնվել եմ անցկացնել այս հանդիպումը, քանի որ հաղթանակի դեպքում իմ 10-րդ գոտին կստանամ, ինն աննախադեպ երևույթ կլինի բռնցքամարտի աշխարհում», - ասաց Դարչինյանը:
Վիկ Դարչինյանն աշխարհի բազմակի չեմպիոն է IBF, WBA, WBC և IBO վարկածներով, աշխարհի բացարձակ չեմպիոն է գերթեթև քաշային կարգում IBF, WBA և WBC վարկածներով։–0–
