Հայաստանի ֆուտբոլի հավաքականը զիջեց լեհերին հանդիպման վերջին վայրկյաններին

ԵՐԵՎԱՆ, 12 հոկտեմբերի. /Նովոստի–Արմենիա/. Հայաստանի ֆուտբոլի հավաքականն արտագնա խաղում զիջեց լեհերին աշխարհի 2018 թ.–ի առաջնության ընտրական փուլի շրջանակում կազմակերպված հանդիպման վերջին վայրկյաններին։

Հանդիպումն ավարտվեց 2։1 հաշվով` հօգուտ Լեհաստանի հավաքականի։

Խաղի 30–րդ րոպեին հայ ֆուտբոլիստները մնացին 10 հոգով, երկրորդ դեղին քարտից հետո դաշտից հեռացվեց պաշտպան Գաել Անդոյանը։ 48–րդ րոպեին Հրայր Մկոյանը դարձավ ինքնագոլի հեղինակ, սակայն երկու րոպե անց Հայաստանի հավաքականի ավագ Մարկոս Պիզելլին հավասարեցրեց հաշիվը։

Ավելացված րոպեներին կիսապաշտպան Արաս Օզբիլիսը կարող էր դառնալ գոլի հեղինակ, սակայն վրիպեց։ Իսկ «Բավարիայի» լեհ հարձակվող Ռոբերտ Լևանդովսկին չվրիպեց։

Ընտրական Е խմբում երեք տուրից հետո յոթ միավորով առաջատարներն են Չեռնոգորիայի և Լեհաստանի հավաքականները։ Ռումինացիները վաստակել են հինգ միավոր, դանիացիները` երեք միավոր, Ղազախստանի հավաքականը` երկու միավոր։ Մրցաշարային աղյուսակը եզրափակում է Հայաստանի հավաքականը, որը ոչ մի միավոր չի վաստակել։ –0–