ՖԻՖԱ-ի դասակարգման նոր աղյուսակում Հայաստանի հավաքականը բարելավել է դիրքերը

ԵՐԵՎԱՆ, 10 օգոստոսի. /Նովոստի–Արմենիա/.Չորեքշաբթի հրապարակված ՖԻՖԱ-ի դասակարգման նոր աղյուսակում Հայաստանի ֆուտբոլի հավաքականը մեկ հորիզոնականով բարելավել է իր դիրքերը` զբաղեցնելով 72-րդ հորիզոնականը:

 Օգոստոսի 10-ին հրապարակված ՖԻՖԱ-ի դասակարգման աղյուսակի առաջատարներն են.

1. Բրազիլիա – 1604 միավոր

2. Գերմանիա – 1549

3. Արգենտինա – 1399

4. Շվեյցարիա – 1329

5. Լեհաստան – 1319

6. Պորտուգալիա – 1267

7. Չիլի – 1250

8. Կոլումբիա – 1208

9. Բելգիա – 1194

10. Ֆրանսիա – 1157 

Աշխարհի առաջնության ընտրական փուլում Հայաստանի հավաքականի հակառակորդները զբաղեցնում են հետևյալ հորիզոնականները. Լեհաստան` 5-րդ հորիզոնական, Ռումինիա` 42-րդ, Դանիա` 46-րդ, Չերնոգարիա` 52-րդ և Ղազախստան` 105-րդ հորիզոնական։

Նախընտական 6 տուրերից հետո Е խմբում 16 միավորով առաջատար են լեհերը, նրանց 10–ական միավորով հաջորդում են Դանիայի և Չերնոգարիայի հավաքականները։ Հայաստանի և Ռումինիայի հավաքականները ունեն 6-ական միավոր։ Մրցաշարային աղյուսակը եզրափակում է 2 միավոր հավաքած Ղազախստանի հավաքականը։-0-