ԵՐԵՎԱՆ, 20 ապրիլի. /Նովոստի Արմենիա/. Լոնդոնի «Արսենալի» գլխավոր մարզիչ Արսեն Վենգերը հայտարարել է, որ հրաժարական կտա 2017/18 մրցաշրջանի ավարտից հետո:
«Ակումբի հետ անցկացրած քննարկումներից հետո կարծում եմ, որ հիմա հարմար ժամանակն է, որպեսզի մրցաշրջանի վերջում հեռանամ ակումբից», - Վենգերի խոսքերը մեջբերում է ակումբի պաշտոնական կայքը:
Загружается новость ... "Лево"
Ֆրանսիացի մասնագետը շնորհակալություն է հայտնել ակումբի աշխատակիցներին, խաղացողներին, տնօրեններին ու երկրպագուներին։
«Կոչ եմ անում ամբողջ աշխարհի մեր երկրպագուներին աջակցել թիմին, որպեսզի նրանք կարողանան եզրափակել այս մրցաշրջանը բարձր մակարդակով», - հայտարարել է Վենգերը:
Արսեն Վենգերը գլխավորում է «Արսենալը» 1996 թվականից, նա Անգլիայի եռակի չեմպիոն է ու երկրի յոթնակի գավաթակիր:-0-