Փոլ Մքքարթնին հոլիվուդյան աստղերի հետ ակապելա է երգել (ՏԵՍԱՆՅՈՒԹ)

ԵՐԵՎԱՆ, 21 դեկտեմբերի. /Նովոստի-Արմենիա/. The Beatles-ի նախկին մասնակից Փոլ Մքքարթնին «Ջիմմի Ֆելլոնի երեկոյան շոու» հաղորդման ժամանակ ակապելա կատարել է իր սուրբծննդյան Wonderful Christmastime երգը:

Ինչպես գրում է Lenta.ru-ն, տեսանյութը հրապարակվել է The Tonight Show Starring Jimmy Fallon-ի YouTube-յան ալիքում:

Բրիտանացի երաժշտին միացել էին դերասաններ Մեթյու Մքքոնահին, Ռիզ Ուիզերսփունը, Սեթ Մքֆարլեյը և Սքարլեթ Յոհանսոնը, ովքեր մասնակցել էին «Փառքի ճանապարհ» անիմացիոն մյուզիքլի ստեղծմանը: Տեսահոլովակում հայտնվում են մուլտֆիլմի կերպարները, որոնց հնչյունավորել են աստղերը, ինչպես նաև The Roots խումբը և հեռաուստաշոուի հաղորդավար Ջիմմի Ֆելլոնը: -0-