Մահացել է կինոռեժիսոր Գեորգի Դանելիան

ԵՐԵՎԱՆ, 4 ապրիլի./Նովոստի–Արմենիա/. 88 տարեկան հասակում երկարատև հիվանդությունից հետո մահացել է խորհրդային և ռուս կինոռեժիսոր Գեորգի Դանելիան: Այդ մասին «Նովայա գազետա»-ին հայտնել է ռեժիսորի ընտանիքը:

Գեորգի Դանելիային փետրվարին հոսպիտալացրել են թոքաբորբով: Նա հայտնվել է վերակենդանացման բաժանմունքում, բժիշկները նրան մտցրել են արհեստական կոմայի մեջ, որ կայունացնեն շնչառությունը:

Դանելիան ծնվել է 1930 թվականի օգոստոսի 25-ին Թիֆլիսում, բայց արդեն մեկ տարի անց նրա ընտանիքը տեղափոխվել է Մոսկվա: Նախորդ դարի 50-ական թվականներին ավարտել է Մոսկվայի ճարտարապետական ինստիտուտը:

1959 թվականին Դանելիան ավարտել է «Մոսֆիլմ»-ին կից բարձրագույն ռեժիսորական կուրսեր Միխայիլ Կալատազովի արվեստանոցում, ինչից հետո սկսել է աշխատել կինոստուդիայում որպես բեմադրող ռեժիսոր:

Ռեժիսորը լայն ճանաչում է ստացել 1964 թվականին «Ես քայլում եմ Մոսկվայով» լիրիկական կատակերգությունից հետո: Նրա մյուս կինոաշխատանքներից են` «Աֆոնյա», «Միմինո» և «Քին ձա ձա»: -0-