ԵՐԵՎԱՆ, 15 փետրվարի. /Նովոստի–Արմենիա/. Էքստրասենսների և պայծառատեսների պահանջարկը Հայաստանում շատ բարձր է, երկուշաբթի լրագրողներին ասաց աստղաբան Գուրգեն Հովհաննիսյանը։
Նա միաժամանակ նշեց, որ հիմնական խնդիրը պրոֆեսիոնալիզմն է։
«Հաճախ մարդիկ դիմում են հենց ոչ պրոֆեսիոնալ մարդկանց, և այդ դեպքում է, որ մարդուն ասում են հենց այն, ինչ նա ուզում է լսել»,– ընդգծեց Հովհաննիսյանը։
Նա նշեց, որ մարդիկ ավելի հաճախ դիմում են էքստրասենսներին սփոփանք գտնելու և գեղեցիկ պատմություններ լսելու համար։
«Իսկ պրոֆեսիոնալը միշտ ասում է իրականությունը, նրա գլխավոր նպատակն այն խնդրի գիտակցումն է, որով մարդը դիմել է նրան»,– ընդգծեց նա։
Հոգեբան Աննա Բադալյանն իր հերթին նշեց, որ հայ հասարակության շրջանում մեծանում է վստահությունը հոգեբանների ծառայությունների նկատմամբ։
«Այսօր հոգեբանության ոլորտը Հայաստանում բարձր մակարդակում է։ Այդ գործընթացում կարևոր դեր է խաղացել այն փաստը, որ մարդիկ սկսել են հասկանալ, թե իրենց խնդիրները դուրս չեն գալիս գաղտնիության սահմաններից»,– նշեց Բադալյանը։
Նա նշեց, որ հաճախ էքստրասենսի օգնությանն են դիմում հոգեբանի ծառայություններից հիասթափված մարդիկ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
