ԵՐԵՎԱՆ, 21 նոյեմբերի. /Նովոստի–Արմենիա/. Հայաստանի արտաքին գործերի նախարարի պաշտոնակատար Զոհրաբ Մնացականյանն «Առավոտ» թերթին տված հարցազրույցում մեկնաբանել է ՀԱՊԿ–ում Ադրբեջանի կողմից դիտորդի կարգավիճակ ստանալու հավանականությունը։
Ադրբեջանում սկսել են խոսել Հավաքական անվտանգության պայմանագրի կազմակերպությանն անդամակցելու մասին։ Նույնիսկ փորձագիտական շրջանակներում ակտիվ քննարկվում է ԵՏՄ–ին երկրի անդամակցության հարցը։
Загружается новость ...
"Право"
«ՀԱՊԿ-ը կարգավորվել է իր նորմատիվ փաստաթղթերով հիմքերը՝ դիտորդ կամ գործընկեր ունենալու վերաբերյալ: Էական է, որպեսզի հարց բարձրացնող յուրաքանչյուրը տեսնի, թե ինչպես է ձեւակերպված ընթացակարգը, թե ով եւ ինչպես կարող է կազմակերպությունում լինել դիտորդ կամ գործընկեր: Այնտեղ շատ հստակ գրված է՝ ՀԱՊԿ շրջանակներում դիտորդ կամ գործընկեր կարող են լինել երկրները, որոնք պետք է որոշ պայմանների համապատասխանեն, օրինակ՝ պետք է դիվանագիտական հարաբերություններ ունենան բոլոր վեց անդամ երկրների հետ»,– ասել է Մնացականյանը։
Նա նաև նշել է, որ Հայաստանը կազմակերպության լիիրավ անդամ է, և ցանկացած որոշում ընդունվում է, ելնելով նրանից, թե որքանով է այս կամ այն քայլը համապատասխանում Հայաստանի ազգային շահերին, նպատակներին և անվտանգությանը։
«Եթե դավադրությունների թեորիայի մեջ մտադրություն, տեսակետ կա, որ հնարավոր է հարցերն այնպես լուծել, որի արդյունքում մեր շահերը կվնասվեն, մենք չենք կարող դա թույլ տալ, և մենք ունենք դրա համար անհրաժեշտ բոլոր միջոցները»,– ասաց Մնացականյանը։ -0-