Հայաստանը FAO - Tele/Food ծրագրի իրականացման գծով Արևելյան Եվրոպայի տարածաշրջանի ամենից առաջատար երկրին է

ԵՐԵՎԱՆ, 17 հոկտեմբերի./Նովոստի-Արմենիա/.Հայաստանը լավագույն երկիրն է Արևելյան Եվրոպայի տարածաշրջանում ՄԱԿ-ի (FAO) -  Tele/Food Գյուղատնտեսության և մթերքի կազմակերպության ծրագրի իրականացման շրջանակներում, որով նախատեսվում է ընտանիքներին օժանդակություն անապահել՝ գյուղատնտեսական արտադրանքի ծավալները մեծացնելու, եկամուտների կայուն աճի և մթերքների մատչելիության նպատակով։ Այս մասին Երևանում տեղի ունեցած մամուլի ասուլիսում հայտնեց  FAO-ի Արևելյան Եվրոպայի և Կենտրոնական Ասիայի տարածաշրջանի գլխավոր ներկայացուցիչ Մարիա Կադլեչիկովան։

Նրա խոսքերով, Հայաստանում իրականացվում է Tele/Food-ի չորս ծրագիր՝ օգնություն մանկապարտեզներին երեխաների սննդի պայմանների բարելավման ուղղությամբ, աջակցություն Երնջատապ գյուղի աղքատության նվազմանը և ձմեռվա ցորենի արտադրությանը, աջակցություն Տավուշի շրջանի երիտասարդ ֆերմերների գործունեությանը և գյուղերում աղքատության նվազեցմանը, ինչպես նաև անասնապահությանը։

Վերջին ծրագրի շրջանակներում, Կադլեչիկովայի խոսքերով, պտղատու այգիների և ցանքատարածքների ստեղծման ուղղությամբ օգնություն է ցուցաբերվել 30 ֆերմերական տնտեսություններին։

Նա նշեց, որ Հայաստանում ընդհանուր առմամբ իրականացվում են  27 ծրագիր, մինչդեռ ընդամենը մի քանի տարի առաջ դրանք չորսն էին։ «Նման մեծ հաջողության պատճառն այն է, որ հայերը FAO-ի համար լավ գործընկերներ են և իրենք են մատնանշում աջակցության համար անհրաժեշտ ոլորտները»,-ասաց Կադլեչիկովան։

Նա հայտնեց, որ հիմա Հայաստանում իրականացվում են մթերային ապահովման և երկրի տեղական հնարավորությունների ուժեղացմանն ուղղված ծրագրեր։

1993-ի նոյեմբերից Հայաստանը FAO-ի լիիրավ անդամ է։ 2004-ի սեպտեմբերին Երևանում բացվեց FAO-ի հայկական ներկայացուցչության գրասենյակը։

Վերջին 13 տարիներին FAO –ն մեծ դեր է խաղացել Հայաստանի ագրարային քաղաքականության մշակման, իրականացման և մթերային ապահովման գործում, ինչպես նաև միջազգային համագործակցության ընդլայնման և աղքատության հաղթահարման ոլորտում։--0--