ԵՐԵՎԱՆ, 10 դեկտեմբերի./Նովոստի–Արմենիա/. ՀՀ ԿԸՀ–ն երկուշաբթի հրապարակել է ռեյտինգային քվեարկության արդյունքները։
ԿԸՀ–ի նախնական տվյալներով, բոլոր 2010 ընտրատեղամասերի քվեաթերթիկների մշակումից հետո ռեյտինգային համակարգով ամենաշատ ձայները ստացել է Սասուն Միքայելյանը (31 739 ձայն)։
Տասնյակում են նաև Արարատ Միրզոյանը (25 550), Ֆելիքս Ցոլակյանը (24 172), Գարիկ Սարգսյանը (22 604), Ալեն Սիմոնյանը (21 812), Սիփան Փաշինյանը (17 155), Դավիթ Գրիգորյանը (16 508), Արամ Խաչատրյանը (15 038), Սուրեն Պապիկյանը (15 038) և Վարազդատ Կարապետյանը (14 616)։
Загружается новость ... "Лево"
Նախօրեին Հայաստանում կայացան արտահերթ խորհրդարանական ընտրությունները։
Բոլոր 2010 ընտրատեղամասերի ձայների հաշվարկի արդյունքում, խորհրդարան անցնում է երեք քաղաքական ուժ` «Իմ քայլը» դաշինքը, ԲՀԿ–ն և Բոլոր 2010 ընտրատեղամասերի ձայների հաշվարկի արդյունքում, խորհրդարան անցնում է երեք քաղաքական ուժ` «Իմ քայլը» դաշինքը, ԲՀԿ–ն և «Լուսավոր Հայաստան» կուսակցությունը։ ԿԸՀ–ի պաշտոնական կայքում ներկայացված տվյալների համաձայն, առաջատարն է վարչապետի պաշտոնակատար Նիկոլ Փաշինյանի դաշինքը, որի օգտին քվեարկել է ընտրողների 70,43%–ը (884 456 մարդ)։ ԲՀԿ–ն հավաքել է 8,27% (103 824 ընտրող), երրոդ տեղում է «Լուսավոր Հայաստան» կուսակցությունը` 6,37% (80 024 ընտրող)։ Նախկին իշխող ՀՀԿ–ն չի կարողացել հաղթահարել անցողիկ 5%–անոց շեմը, նրա օգտին քվեարկել է ընտրողների 4,7%–ը (59 059 մարդ): Ընտրողների ձայներն ընտրությունների մյուս մասնակիցների միջև բաշխվել են հետևյալ կերպ`ՀՅԴ`3,89% (48 811), «Սասնա ծռեր» համահայկական կուսակցություն` 1,82% (22 862), «Օրինաց երկիր» կուսակցություն` 0,99% (12 389), «Մենք» կուսակցությունների դաշինք` 2% (25 174), «Քրիստոնեա–ժողովրդավարական վերածնունդ» կուսակցություն` 0,51% (6 456), «Ազգային առաջընթաց» կուսակցություն` 0,33% (4122), «Քաղաքացու որոշում» սոցիալ–դեմոկրատական կուսակցություն` 0,68% (8530)։–0–