ԵՐԵՎԱՆ, 30 ապրիլի. /Նովոստի Արմենիա/. Ընդդիմության առաջնորդ Նիկոլ Փաշինյանը կիսվել է իր տեսությամբ՝ շրջափակման պայմաններում Հայաստանի տնտեսության զարգացման հնարավորությունների վերաբերյալ:
«Մենք պետք է առաջնորդվենք ոչ թե ցանկություններով, այլ իրականությունով: Ադրբեջանում ու Թուրքիայում տեղի ունեցող իրադարձությունները մեզ հույս չեն ներշնչում շրջափակումը վերացնելու վերավերյալ: Մենք պետք է մեր տնտեսույունն ավելի արդյունավետ դարձնենք ներկա պայմաներում: Ես ի նկատի ունեմ տեղեկատվական տեխնոլոգիաների զարգացումը: Հույսով եմ, որ վերջին իրադարձությունները խթան են ստեղծել ներդրումներ ներգրավելու համար, մասնավորապես, հայերի կողմից: Մենք պետք է բիզնեսին հնարավորություն տանք լուծել հարցերը մրցակցային միջավայրում», - ասաց Փաշինյանը:
Загружается новость ... "Лево"
Ըստ նրա, Հայաստանի տնտեսության զարգացման նոր բաղադրիչ պետք է դառնա ազատ տնտեսությունը, ներդրումների հասանելիությունը:
«Եթե ստեղծվեն քաղաքական պայմաններ, ապա տնտեսությունը կկարողանա օգտվել դրանից: Անհրաժեշտ է ապահովել մրցունակություն անգամ բեռնափոխադրումների ոլորտում», - ասաց Փաշինյանը:
Ապրիլի 13–ից հանրապետությունում իրականացվող բողոքի մասշտաբային ակցիաների ֆոնին ապրիլի 23–ին ՀՀ վարչապետ Սերժ Սարգսյանը հայտարարեց իր հրաժարականի մասին։ Նույն օրը ՀՀ նախագահ Արմեն Սարգսյանն ընդունեց կառավարության հրաժարականը։ Ապրիլի 25–ին հանրահավաքի ժամանակ Նիկոլ Փաշինյանն առաջարկվեց որպես վարչապետի թեկնածու։
Ապրիլի 28–ին ՀՀ ԱԺ փոխխոսնակ, ՀՀԿ գործադիր մարմնի անդամ Էդուարդ Շարմազանովը հայտարարեց, որ ՀՀԿ–ն թեկնածու չի առաջադրի վարչապետի ընտրություններում։ Նույն օրը «Բարգավաճ Հայաստան» կուսակցության և «Ծառուկյան» խորհրդարանական դաշինքի առաջնորդ Գագիկ Ծառուկյանը հայտարարեց, որ «Ծառուկյան» դաշինքը կաջակցի ժողովրդի թեկնածուին վարչապետի ընտրություններում։ ՀՅԴ–ն ևս որոշում է ընդունել աջակցել Նիկոլ Փաշինյանի թեկնածությանը։–0–
