Ռուսաստանի ԱԳՆ. «Ստեղծարար գաղափարներ են մշակվում Արցախի հարցով»

ԵՐԵՎԱՆ, 20 դեկտեմբերի. /Նովոստի–Արմենիա/. Ստեղծարար գաղափարներ են մշակվում Ղարաբաղի վերաբերյալ, նախօրեին Մոսկվայում ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։

Նախորդ հինգշաբթի Ռուսաստանի արտաքին գործերի նախարար Սերգեյ Լավրովն այցելել է Բաքու, որտեղ բանակցություններ է վարել Ադրբեջանի նախագահ Իլհամ Ալիևի հետ։ Նա հայտնել է, որ Ադրբեջանն անկեղծորեն տրամադրված է ղարաբաղյան հակամարտության կառուցողական լուծում գտնելու բանակցությունների և նշել է, որ ՌԴ–ն ձգտում է կարգավորման հիմք ձևավորելուն օգնող ստեղծարար գաղափարներ գտնել։


«Խոսվել է ապագայի, այն մասին, որ այդպիսի գաղափարներ պետք է մշակվեն, և դրանք պետք է ստեղծարար լինեն։ Հենց այդպիսի գաղափարները գոհունակության կարժանանան։ Այժմ փորձագետները զբաղվում են դրանով»,– ասել է Զախարովան։ -0-