ԵՐԵՎԱՆ, 9 սեպտեմբերի./Նովոստի–Արմենիա/. Արցախի ԿԸՀ–ը ներկայացրել է Ստեփանակերտում և հանրապետության մյուս համայնքներում սեպտեմբերի 8–ին կայացած տեղական ինքնակառավարման մարմինների ընտրությունների արդյունքները։
Քվեարկության նախնական արդյունքների համաձայն, որոնք հրապարակվել են ԿԸՀ–ի կայքում, Ստեփանակերտի նոր քաղաքապետ է ընտրվել Դավիթ Սարգսյանը, որի օգտին քվեարկել է 7787 մարդ քվեարկությանը մասնակցած 21 հազար 615 բնակչից։
Նրա գլխավոր մրցակիցը` Գրիգորի Սահակյանը, հավաքել է 4765 ձայն։ Ստեփանակերտի քաղաքապետի ընտրություններին մասնակցել են նաև Արեգ Ավագյանը (3125 ձայն), Արմեն Հակոբյանը (3059) և Արայիկ Ավանեսյանը (2108)։
ԿԸՀ–ի տվյալներով, Ասկերանի քաղաքապետ է ընտրվել Մանվել Աղաջանյանը (469 ձայն)։ Այս պաշտոնին հավակնում էին նաև Արմեն Բախշինյանը (421 ձայն) և Նվեր Գաբրիելյանը (304 ձայն)։
Հադրութի քաղաքապետ է ընտրվել Վահան Սավադյանը, որի թեկնածության օգտին քվեարկել է 676 բնակիչ։ Նախընտրական քարոզարշավում Սավադյանի մրցակիցն էր Արծվիկ Հայրապետյանը, որի թեկնածության օգտին քվեարկել է 565 բնակիչ։
Մարտակերտում անցկացված ընտրություններում հաղթել է Միշա Գյուրջյանը (945 ձայն), մյուս թեկնածուներն` Արսեն Ավանեսյանն ու Լևոն Ստեփանյանը ստացել են համապատասխանաբար 540 և 266 ձայն։
Մարտունու նոր քաղաքապետ է ընտրվել Հայկ Սարգսյանը, ով ստացել է 1292 ձայն։ Մյուս թեկնածուն` Վադիմ Դանիելյանը, ստացել է 1051 ձայն, իսկ Արտակ Վարդանյանի թեկնածության օգտին քվեարկել է 44 մարդ։
Քարվաճառի քաղաքապետ է ընտրվել Սերգեյ Չիլինգարյանը, ով ստացել է 210 ձայն, իսկ նրա մրցակիցը` Սերոբ Նալթակյանը, ստացել է 190 ձայն։
Շուշիի նոր քաղաքապետ է ընտրվել Արծվիկ Սարգսյանը, նրա թեկնածության օգտին քվեարկել է 879 մարդ։ Սամվել Աղաջանյանը ստացել է 529 ձայն, Վլադիկ Համբարձումյանը` 56 ձայն, Արթուր Հայրապետյանը` 184 ձայն, Խաչատուր Հայրիյանը` 120 ձայն։
Բերդձոր քաղաքը կգլխավորի Նարեկ Ալեքսանյանը, ով ստացել է 306 ձայն։ Նրա մրցակիցը` Հենրիխ Աղաջանյանը, ստացել է 232 ձայն, Համբարձում Արզանյանը` 33 ձայն, Տիգրան Բրուտյանը` 25 ձայն, Անահիտ Չարչյանը` 52 ձայն, Արթուր Սահակյանը` 261 ձայն և Կարեն Սահակյանը` 48 ձայն։–0–