ԵՐԵՎԱՆ, 12 սեպտեմբերի. /Նովոստի–Արմենիա/. Երեքշաբթի խոշոր ավտովթար է տեղի ունեցել Գեղարքունիքի մարզում։
Ժամը 07։30-ի սահմաններում Երևան քաղաքի Չեխովի փողոցի բնակիչ՝ 26-ամյա Արմեն Պողոսյանը Սևան-Մարտունի-Գետափ ավտոճանապարհի 22-րդ կմ հատվածում՝ Հայրիվանք գյուղի վարչական տարածքում իր վարած ВАЗ 211440 մակնիշի ավտոմեքենայով դուրս է եկել հանդիպակաց երթևեկելի գոտի, բախվել երկաթբետոնե արգելապատնեշներին և մոտ 10 մետր առաջ ընթանալով՝ բախվել ապառաժ քարերին և հայտնվել Սևանա լճում։
Загружается новость ...
"Право"
Ինչպես հայտնում է shamshyan.com–ը, վթարի հետևանքով վարորդ Ա. Պողոսյանն ու նա ուղևոր՝ 15-ամյա Մարիամ Գոգոլյանը քաղաքացիների օգնությամբ դուրս են բերվել ավտոմեքենայից և տեղափոխվել Գավառի բժշկական կենտրոն։
Օպերատիվորեն ժամանել են Ճանապարհային Ոստիկանության աշխատակիցները, Արտակարգ իրավիճակների նախարարության Փրկարար ծառայության ծառայողները։
Փրկարարներն ու ոստիկանները լճից վերամբարձ կռունկի օգնությամբ դուրս են բերել ավտոմեքենան տեղափոխել Ոստիկանության Գավառի բաժնի պահպանվող հատուկ տարածք։ -0-