ԵՐԵՎԱՆ, 3 մարտի. /Նովոստի–Արմենիա/. Խանջյան փողոցում վերամբարձ կռունկից նետվել սպառնացող տղամարդու հարազատը ժամանել է դեպքի վայր։
Ինչպես հաղորդում է «Նովոստի–Արմենիա» գործակալության թղթակիցը դեպքի վայրից, նա բարձրացել է տղամարդու մոտ և համոզում է ցած իջնել։
Տղամարդը Խանջյան փողոցում սպառնում է, որ կնետվի վերամբարձ կռունկից>>
Տղամարդու կինը ևս դեպքի վայրում է։ Նա շատ ճնշված վիճակում է, հավաքվածները փորձում են հանգստացնել նրան։
56–ամյա Մանուկ Միսակյանն ուրբաթ կեսօրին բարձրացել է Խանջյան փողոցի Jose ժամանցային կենտրոնի մոտակայքում գտնվող վերամբարձ կռունկի վրա և փորձում է ինքնասպան լինել։
Վերամբարձ կռունկ բարձրացած տղամարդու կինը պատմել է ամուսնու արարքի պատճառները>>
Միսակյանի կնոջ` Թամարա Ղազարյանի խոսքով, Միսակյանը նման քայլի է դիմել ֆինանսական խնդիրների պատճառով։
Դեպքի վայրում են փրկարարներ, Ճգնաժամային կառավարման ազգային կենտրոնի Հոգեբանական աջակցության բաժնի աշխատակիցները, ինչպես նաև ոստիկաններ։–0–